تقاليدنه حلووووه
والعيد على جيه
وعرفااات...والهدوم...والعيدي ه...وطلعه وطبه وخطار
خرووووف جاي وخرووف رايح
والذبح عالقبله...والفرحه توصل سابع جار
ابعرفات من احنه صغار
بالمدرسه نعطل قبل بيوم...بحجة عيد (حجه ظريفه)
والحجاج على عرفات...
والتبريكات...والتهاني...
ومن الليل نحضر هدوم...والماعنده يكَوم يغني
{كلما يجي العيد نفرك بيدينه...خلف الله عالبالات سترت علينه}
خخخخخخخ
ويصير ضحك...وحته الفقير ينسه...
ينسه همومه
ويعيش اللقطه...لحظة ونسه
ثاني يوم تبدي الخبصه...جهال تبدل
النسوان تطبخ... والزلم تفتر عالمنطقة تعيد
والاحلى من نطلع بره ... طكَطاكَات هنا وهناك منتشره
مسدسات (ابو الصجم)...والجهال بهدومهه تتباهه مفتخره
عزايم كَرايب...خطار...خطار
ليل ونهار...
هذاا العيد...جان يخبل
ومرت ضروف...صارت صعبه
صار الفرح دعوات...بالسلام والضحك...بس امنيات
تحديناها...وهم عيدنه...رغم الجراح...رغم الموت...ورغم الغربه
وهم عيدنه...بطيبه بصدق ... وبإيمان
ومرت وعدت وتحسن الوضع...وبقينه نعيد...
صح تغير طبع العيد...هذا المات ذاك البعيد
بس الجاهل بقه يتأمل...
بقت البسمه تملي عيونه ... وظل يتمنه
ويحلم...(يمكن يحلم بغدٍ أفضل)
وهسه العيد...هم رح يجي...واحنه هنا ودننتظره ... رغم الفركَه ... هم ننتظره
ونتأمل يوم بعد يوم...
خلونه نحسب الايام...وخلونه ننتظره سويه
وعيد مبارك عليكم مقدماً
وان شاء الله تكون أيامه آمنه
وكله افراح ومسرات
رد مع اقتباس
