مسافرين اي والله مسافرين اول وتالي بعمرنه مسافرين
باوعت كبل الممات ع الاهل صعب اتركهم
نزلت الورقه ع موتني والسكن بالمقبره ويا السابقين
نازعت بالروح لحظات الوداع
والاهل يمي دموع صارخين
وجنه مامرت حيات ع العمر
لحظة اتاني وامشي ويا المنتهين
مااتت اطرافي وثقل عندي اللسان
اااه ااه
والدموع تسيل مني والحنين
صحت اه ياااهلي وصرخت عالي الصوت
مايسمعون البجي بس الانين
ولحظة لن الموت حزني بخنجره
ريت ماعايش متت اني وجنين
الموت حنظل بالوداع مررورته
يااهلي ياااحبائي ياجيراني يااصداقيء
اشلون اودعكم واني بخشبت البيت
شدوا رحائي بعجل اهل الثواب
والجموع تصيح كله مودعين
كام جنازي علن بي الرحيل
ااايسئت من دنيتي وجني سجين
وين جنت بعزتي وبين العيال
وبعد ساعات الكبر مالي بعيد
اسمعت صوت امي تصرخ بالوداع
تكول حك صير دفتنه اثنين
تكله اودعك ياولد عبالي تعوف
وبجودك علي يوميه وتزود تره بعدك ماتروح
متل ناكه
وصاح ابوي بكل صوت ارجع ياالعزيز
ابني واخنالك تجي ويا السالمين
لجن كلب الموت اقوى من الصخر
ماااضن ترجع وتكول ماعودين
بويه بويه شلون تعوفني وسافروحيد
وروحي شلون تغفل تهيد
يابني يابني ياعيد يحلا وانته عني بعيد
انكسر ظهري عليك وكلبي اتفطر
وصلوني اخر محطة المكبره
وبدفن ربيعي علي معجليني
نزلوني بلحدي لحظات الوداع
سفره مااارجع الى ابد الابادين
هلوا تلرابي وصعب يهل
وجن زلازل علي منزلين
شلون سفره وسافرت تحت التراب
بين موتوا بالكبور ممددين
ماكو غيرك ياعلي بهذاك المكان
الهي ارحم في هذه الدنيا غربتي وعند الموت كربتي انس في القبر وحشتي ارحم ذلت وقفي بين يديك
للشاعر داجي المالكي من القرنه
واول مره تنقرين ع منبر الامام الحسين بصوت السيد محمد الصافي
رد مع اقتباس
