من شفتك خشب ماعفتك بتنور
انصاف الفرص جنت استغلها وياك
واتمنيت اشوفك تستغل فرصة
اتانيك بخلك صبيرة تنطر ماي
شكت ريجهة وما نزلت الغصة
جنت اشتاكلك شوك الضعن لحسين
بلف يا ولفي جنت المغرب مخلصة
وكفت اباب بيتك وكفة الصياد
من يتاني سمجة اتجلب بشصة
وافرح بيك عاكر بشروها بتوم
واصد الكاك خنجر منتضر رصة
من شفتك خشب ما عفتك بتنور
رغم ما جنت اموت بحسرة الكرصة
عشرتي وياك سالوفة بحلك نسوان
بيهة تشوف بس الهوسة والخبصة
ما تنطيني وجهك تنطي بس مكفاك
وانا مناطر تصد وانطيها بالكصة
اعوفك من اشوف البدوي عايف ثار
ومن راس الجبل يتمرغل بنصة
من الكة الحمامة مصاحبة التفاكـ
من يفوت ابوي وعيني متشخصة
راسمهة برمل من النسيم تخاف
بس انفخ عليها امحيها للقصة
حسبالك يهزني فراكك انتة شبيك؟؟
وجودك نقص كلبي وراح اسد نقصة
سمجة ولو حجت ما ترعب التمساح
والله بنضرة منة لسانهة تكصة
اهدااء خاص
رد مع اقتباس
