فزعنالك مطر شفناك بستان
طبولك بدو يريدوك صحرة
شجرة ورايد تحط بيهة غربان
بعد لوموت ماسميهة شجرة
نواطيرك تحط حراس عميان
باكوك الصبح طلعوك برة
لوجوه الغرب فاتح البيبان
بيتك هذا لك سووك سفرة
خواتك لا تحطهن بيد شيطان
بوكت الليل تلگة چفوفة حمرة
السمة ترعد غضبهة الغيم ينهان
اذا حطوا عفيفة بوجه سفرة
يالگابلتوا داعش ملگة واحضان
افة هيچي شرفكم رخص سعرة
يما عدكم حيا يربات نسوان
على منهج رغد صدام حفرة
خطبنة ارگابكم وانطينة نيشان
ثلث چيلات دم والحلقة عبرة
يالخنتو وطن گضاهة سهران
لخاطركم تخطة احدود صبرة
طفح كيل الضلم صحوة فشگ حان
نحط عالگصة چيلة الزاح گطرة.....
رد مع اقتباس
المشاركة الأصلية كتبت بواسطة النقيب
