السلام عليكم دررنا الطيبين ^_^
رمضان كريم عليكم
اي...
بعد ما اجيت من الدوام صار في نفسي دجاجة شووي بتنور حطب وصدفة جانت ام فطووم(خالتي) ما طابخة شي وما تدري شسوي فجانت تسالني شنو اسووي
كتلها ما طوول هيج خل اسووي اللي ابالي
من هنا نبدأ
جان ابو المحل ما كاعد بعده
فتحضيرات اولية رحت لبيت جدي لحديقتهم علمود اقطع سعفة خضرة من النخلة
من حسن حظي جان اكو درج فوفر عليّ عناء تلسق النخلة ...
اي وهسة خذيت صاطور علمود اقطع سعفة من فوق
بس للاسف جان كلش تعبان وما خدمني
بدلته بمنجل ^^
ليديا مساع شفتها تحجي بالمنجل هع
وهااي السعفة قطعت بنجاح
هااااي علمودكم خاف واحد يريد رطب يمد ايده ولا يستحي
السعفة نقطع جزء لا نحتاجه مسافة نص متر تقريبا عن الحافة السميكة
ثم نقطع جزء اخر ليكون بهذا الشكل , هذا نقيسه على (الجدر ,الكدر,القدر) اللي راح يكون في التنور ووضعية الدجاجة كيف بحيث تكون بشكل مناسب
تالي ادخل بالتفاصيل
هااي الدجاجة يفترض بيها متبلة بهااي الفترة قبل ساعة ....
الان اللي راح يصير
العصا الخضرة اللي خذيناها من السعفة راح يكون دورها مثل المشواية
نترك فيها مسافة من فوق كما هي والباقي نحاول نجعله مدبب مثل ما لاحظتوها فووق
تنغرز داخل الدجاجة وثم تربط ارجل الدجاجة بواسطة سيم (تيل) حتى لا تسقط وهي داخل الفرن
وتربط من رقبها على العصا ايضاً
هااي الفقرة ما وثقتها *_* بس هي واضحة
وهسة شنو !!
هسة نضع كمية من الحطب داخل التنور مع سكب قليل من النفط على الحطب ثم نشعل النار فيه الى ان تخمد النار ثم نحرك الحط بواسطة عصا للتاكد من اخماد النار ويبقى فقط الجمر (هنا يعني التنور جاهز لادخال الدجاجة) ...
قبل وضع الدجاجة في الفرن نحضر كمية من الطين لغرض غلق الفتحات في غطاء التنور
وهااي الماي علمود اسوي طينة
نحتاج الى قماش نوع سوتلي او بازة او قماش لا يحترق ويبلل بالماء ثم يوضع على غطاء التنور
كما في الصورة هذه
وهااي الدجاجة بعد الشوي كانت النتيجة 10\10 ^__^
الاشياء اللي ما ذكرتها وما وثقتها بالصور
القدر يوضع فيه تمن (ارز) ويغطى بالماء فقط لا يبالغ بوضع الماء ....
بعدها يربط بواسطة السيم(تيل) مع مراعات طول التيل لغرض وضعه داخل التنور
يعني راح نعلق الجدر بالتيل بحيث يكون مثل السلة وهااي صورة توضيحية للشكل اللي لازم يكون فيه القدر
الغرض من ربط القدر بالتيل هو: لان التنورحراراته عالية فصعبة تكدر تنزل الجدر داخل التنور وتضعه على الجمر ...
بعد ربط الدجاجة بالعصا من قدميها ورقبتها بالتيل ربطاً محكماً هع
وتريد تخليها بالتنور انتبه ع ايدك لا تعطب بسبب الحرارة
والدجاجة يكون وضعها بصورة مائلة مثل شوي السمك بتنور الغاز بس لازم تنتبه من وضع القدر تحت الدجاجة في الاسفل حتى يسقط الدهن الناتج منها فيه للحصول على مونة الدجاجة
وهااي هي انتهينا
كانت مغامرة حلوة ونتيجة احلى ^_^
رد مع اقتباس
