مو كلمن يحبك يعني يهواك..
مو كلمن يحبك يعني يهواك
ولا كلمن يكرهك يعني مو زين
اكو هوايا يحبك يعني يفداك
ولجل عينك يضحي بدمعة والعين
ولكن من يجيلك يوم الحساب
عليك دموعة حاسب وحدة بالفين
ولان هو اليحبك خاف اتموت
خايف مو عروحك والله عالدين
لا يغرك كلام انحبك هواي
حروف بلا سعر قابل ملاين
ولو كلمة اخويا تصير بفلوس
بعد محد يكلك حتى بالدين
ولا يغرك اسود التمشي وياك
وكت الضيك تنخاهم بزازين
حمت موت صدك ماتجي منعداك
تبدي وياك بويه امنرجلتين
ولا تغرك نعومه وملمسه شلون
وظربلك مثل عن الثعابين
شوف العين سهلة وتقرأ الوجوه
واسف قلب الفحم ماتشوف العين
تعجبني الشمس تفتر على الناس
وتشوف اوجوه بالكم بالملاين
بس ظلت وحيدة ورافعة الراس
لان تعرف ولد ادم شواطين
وكلش ينكره ضي الشمس حيل
لان خله الكمر يطلعله وجهين
وجه ابيض عبالك وجه الملاك
اوجه اسود مثل كلب المحبين
زين بهل وكت لا تسوي لا تصير
خسر كلمن يسوي بهل وكت زين
شوف الكاع زينة ومثل للطيب
ورغم ذلك اسف مديوسه بالرجلين
يصح شيطان واحد تملك الناس
وانا اصحابي شو كلهم شواطين
شو ياهو الاحبه يصير تمساح
وياهو الامنه يصير سجين
طيحني الوكت مرة وبعد ماطيح
لان طبع الزلم مطيح مرتين
بعد ماصير طيب وفتح البيت
ولا ادور محب للباقي من اسنين
وقفل باب بيتي وكلبي ورتاح
لان بهذا الوكت ماظل محبين
رد مع اقتباس
