عاشرتك وشفتك وآنه ماشوف
رغم ماشوف وانته بعيني تكبر
عاشرتك جرف وجريتلك ماي
وبالمكلوب كمت انه لتفطر
عاشرتك شعر وضلوعي اقلام
... وجرح عمرى حبر والعمر دفتر
تسمينى السمه وتسحك علي كاع
واذب لومك علي لو بيه تعثر
وتطشرنى بصحو وتلمني سكران
وتكلي شلامك ارجع اطشر
عو د انته حلو واحنه مو حلوين
عود انته تمر واحنه نتمرمر
عود انته عليت واحنه ناصين
عود احنه بعيونك كمنه نصغر
يجوز زغار بعيونك مبينين
بس لعلمك انته تبين ازغر
صحيح انته حلو وسيد الحلوين
من احلم بيك حته فراشي يخدر
علمعمم اتراهن لون مريت
يذب عمامته ووياك يفتر
بس ثق الحلو يخسر حلاته
اذا ناس التضوكه بدت تكثر
ومنو كال الكمر يفتر على الكاع
الكمر شافك وداخ وكام يفتر
رد مع اقتباس
المشاركة الأصلية كتبت بواسطة اميرة بكلمتي
