يقول امرؤ القيس
تخيرني الجن أشعارها
فما شئت من شعرهن اصطفيت
يوصف الشاعر غالباً بأنه عبقري نسبة لوادي عبقر، وهو المكان الذي زعموه موطنا للجن ونسبوا إليه كل شيء تعجبوا منه، وقد استمر هذا الاعتقاد إلى يومنا هذا نتيجة ما يتذاكره الناس من عبقريات بعض الشعراء.
فهناك من بحث في تفسير كوامن الخيال لدى الشعراء وحاول أن يبرر حالة الخروج عن الاعتيادية بوجود علاقة ما تربط الشعراء بالشياطين،
من هذا المنطلق استطلعنا آراء شعراء اليوم حول معتقدات أزلية لازالت تلقي بظلالها على ما ورائية الحالة الشعرية، ولا يزال جمهور المتابع يشكك في قدرات الشاعر على صياغة قصيدته، وتذهب كل هذه الشكوك أو غالبيتها إلى أن هناك قوى خفية تدعم الشاعر أثناء الكتابة ليأتي بهذه الصورة غير المسبوقة ويطرق أبوابا مؤصدة أو بالأحرى لا يمكن لأي عقل طبيعي أن يطرقه، لذا تمت إحاطة الشاعر بسياج من الاتهامات التي ترمز إلى تلبس الجن لهؤلاء الشعراء، فهنا مجموعة من الشعراء يبدون آراءهم حول التهمة التاريخية الحائمة فوق رؤوسهم...
قد ثبت عن رسول الله صلى الله عليه وسلم أن الشيطان يجري من ابن آدم مجرى الدم، وهذا يثبت أن الشيطان يتحرك في مدى الأداء البشري عموما، وأنه حاضر لا مع الشعراء فحسب بل هو مع كل عمل، ولأن العمل الشعري يحاط بشرك الشر دائما حتى شاعت المقولة التي تقول إن الشعر نكد بابه الشر فإذا دخل في باب الخير لان) كما نزلت آيات توهم الربط بين الشر والشعر (والشعراء يتبعهم الغاوون) وإن كان نص الآية لا يخص الشاعر بل يتصل بالراوي والناقد. .كل ذلك مع ماشاع في الجاهلية من شياطين الشعر،
وما انوي ان اتطرق اليه هو الشعر الشعبي العراقي المفعم بالوجدانية والصورة
البسيطة والكلمة السلسة التي هي بين الواقع والخيال... وساذكر بعض من العمالقة في الشعر الشعبي العراقي مع بعض من اعمالهم
جبار رشيد
عبد الحسن الحلفي
سمير صبيح
عريان السيد خلف
أحمد ناهض الجنابي
ناظم الحاشي
ميثاق الهلالي
كاظم اسماعيل الكاطع
نائل المظفر الامبراطور
والكثير الكثير من المبدعين والنجوم الرائدة في هذا المجال وسوف تكون نافذتي هذه على كل اعمال من ذكرت وجديدهم ومن يملك
من اعمالهم شيء او حتى معلومات عن الشعر الشعبي العراقي
فلا يبخل بها على مسامعنا وانظارنا
✿✿✿✿✿✿✿✿✿✿✿✿
احب كلك...للشفاف جبار رشيد
احب كلك
خِلّك ما صرت لوما خليلي أتصير
وصرت خِلّي برضاتك چي صرت خِلّك
علّمتك عليّه من الألف للياء
وتغلط بالا جابه
وآنه أعدّلّك
حرثت لخاطرك بالروح حرث الگاع
بوسات أو ورد كل خلگي أشتلّك
شمعة انته بحياتي
أو عمري ظلمة ليل
اشعلت روحي و خفت
ما اشعللك ... أشعلك ... ؟؟
خاف أسنين عمرك تحترگ بالشوگ
أضمّلك گمت من عمري اعزلّك
عليك اتسودنت مو بس أخاف اعليك
احل روحي و اكضّك خايف تحلّك
و اغمض من أشوفك و اخدر اعله الصوت
غلطة انته بحياتي و صعبه ما ازلّك
چم إبليس اطرد من يوزني اعليك
و چم شيطان ارجمه أبروحي و اكتلّك
ما صيرن نبي بس راهب آنه اوياك
بآيات ألمحبه أبشوگ ارتّلّك
شلّي بغيرك انته و ألگه مثلك وين
و تتعب تلگه غيري بهلتعب شلّك
ياهو ألعلمك و اتريد تمشي أبعيد
سلّ الشوگ خايف باچر ايسلّك
مثل ظلّك جنت
* بالخطوة
*نمشي اثنين
و مشيت انته بظلام* و ضيّعت ظلّك
دلّيني عليك أسنين تايه بيك
و امشي وياي ادورك خاطر أندلك
عرّفني اعله شخصك رايد احچي وياك
بس كلمه و بعد ما غيرهه انكلك
وحده ... من اثنين
أو وحده راح اختار
لو كلّك أحبّك
لو أحب كلّك
اسأل ليش احبك حته اگلك ليش
وليش شما تسوّي وياي أقبلّك
لحظة موت عمري اسنيني كلهن خوف
بس اوياك أأمّن لمّن أوصلّك
و انته آخر نفس واشگد عزيز أتصير
و بلحظة الموت تريدنه انملّك ... ؟؟
خيط عله الجرح باللحم صرت اوياي
لو كلّ الجروح اتطيب ما افلّك
تعرف كلشي بيّه و ما اعرف اشبيك
لغز حلّك ، لغز ، من يگدر ايحلّك ... ؟
أشرد حته اجيك و مدري ليش الخوف
خاف تخاف مني بسدّك اختّلّك
مثل ظلّك أظل و الليل يگضي الليل
و من تطلع شمس من طولك أنزلّك
رد مع اقتباس
المشاركة الأصلية كتبت بواسطة toofi_moon
