هنا

[Daleen]

هذه الابيات كتبتها قبل يومين
لان مشتاقة لبنت اخوية
وهذه تجربتي الاولى
بالشعر الشعبي
بصراحة
ماعرف شنو رايكم بيها

شوف الشيب بين على الوجه والراس وانا بأول سنيني

شوف الروح ولهانة وتود ملكاج وانت ولاتذكريني

تعاي ورحمي الدلال

وشوفيني انا بيا حال

اكظي الليل بس حسرات وتسلى بدمع عيني

********

اريدج بيدج تمسحين دمعي لما نشف بجفاج

وبشوكج لكحل العين كون اتبشر بملكاج

تعاي وشوفي هاي الروح

حزنانة وكلب مجروح

اطش عمري الج شوباش لو فد يوم اجيتيني

*********

تمر ايامي بفراكج عذاب ونوح اكظيها

واخلي جروحي لبكلبي نغم لروح اسليها

انوح وجرحي ينزف دوم

وعيوني جفاها النوم

قدر مكتوب اظل اهواج وافديج بنظر عيني

******

يادمعة فرحتي وياعشك لروح

يازهرة زماني بكل عطرها تفوح

اتأمل تجيني بطيف

شاب وشيبت ياحيف

الف وسفة الزمان يحيل ما بينج وما بيني

[EvAnEsCeNcE]

كلمات جميلة جدااااااا روعة انتي بس للاسف ماعرف بالشعر الشعبي ابد

[علي سالم]

شوف الشيب بين على الوجه والراس وانا بأول سنيني

هههههههههههههههههه هاي قوية منج دالين

قصيدة معبرة وتجربة ناجحة انشاء الله فالقصيدة تسير على نسق جميل ومعبر ولغة سلسة ملئها الكثير من المشاعر والمواقف الصعبة عن الفراق المرير
ونتمنى منج المزيد من الأبداع المتواصل
موفقة انشاء الله

[اريج القرنفل]

اريد اكعد بابك وابجي

على الراح

بس يضل التذكار

من الراح

يذكرني بغلاتك بس بعيد عليه

من الراح

رائع ما خطته روحك العذبه وقلمك المميز

سلمه نبض قلبك وقلمك الرائع

تقبلي مني باقات من الورد والود

[الصديق]

تسلم ايدج دالين تجربة ناجحة بالتوفيق والمزيد من الابداع ان شاءالله
ويارب تشوفين بنت اخيك باقرب وقت ومن تشوفيهة هم اكتبي شعر
جديد ونقل مشاعر مفرحة للقاء
تحياتي وتقييمي

[Daleen]

كلمات جميلة جدااااااا روعة انتي بس للاسف ماعرف بالشعر الشعبي ابد

شكراا ايفان على المرور والرد

[Daleen]

هههههههههههههههههه هاي قوية منج دالين

قصيدة معبرة وتجربة ناجحة انشاء الله فالقصيدة تسير على نسق جميل ومعبر ولغة سلسة ملئها الكثير من المشاعر والمواقف الصعبة عن الفراق المرير
ونتمنى منج المزيد من الأبداع المتواصل
موفقة انشاء الله

السالفة ماخاصة بس بشخصي
ولا كنت احجي عن لساني لوحدي...هذه قصة طويلة وشخصية
بمعنى هذه الجملة الي انت مقتبسها ماكنت احجي بيها عن نفسي

شكراا لمرورك واطراءك على القصيدة منور

[Daleen]

اريد اكعد بابك وابجي

على الراح

بس يضل التذكار

من الراح

يذكرني بغلاتك بس بعيد عليه

من الراح

رائع ما خطته روحك العذبه وقلمك المميز

سلمه نبض قلبك وقلمك الرائع

تقبلي مني باقات من الورد والود

شكراا لك اريج على الرد الجميل ... وباقات الورد غاليتي
لك مني كل الود والاحترام على هذا المرور المميز

[Daleen]

تسلم ايدج دالين تجربة ناجحة بالتوفيق والمزيد من الابداع ان شاءالله
ويارب تشوفين بنت اخيك باقرب وقت ومن تشوفيهة هم اكتبي شعر
جديد ونقل مشاعر مفرحة للقاء
تحياتي وتقييمي

شكراا لك الصديق على هذا الكلام الجميل والمفرح
وان شاء الله يستحاب دعائك واشوفها ... واكتب ساعتها احلى كلمات وعد مني

شكراا لمرور والتقيم

[Daleen]

لاااااااااااااااااااااااع ..!!
أكيد هاي اول تجربة بالشعر الشعبي .؟؟

شوفي دالين .!
الوزن مضبوط تماما ً ولا يتخلله اي وقوف على الاطلاق .
مع انه في البيت الثاني للقصيدة هناك ما يسمة بـ( الركة ) ..!
ولكن .. حقيقة أنا لا أجامل في قضية الشعر على الاطلاق .. فهذة القصيدة إن كانت التجربة الاولى ..!
إذن انتي مبدعة بكل مقاييس الابداع .. وإن استمريتي على الكتابة سيكون لك وقفة شامخة في هذا المجال ..!
وطبعا لم أنسى التقييم ..!
لان نويت أعلسج بالموضوع بس لكيت الموضوع جيد جدا .! لذلك أجاج تقييم . مع التحية ..!!

اني جنت خايفة منك لان كلت راح تصير العلسة مالتي من الفج للفج بصراح
واول مدخلت وكعت عيني على لااااااااااااااااااااع !! مالتك كلت هاي هي نعلست جملةٍ وتفصيلا.....
من كملت باقي الرد ولكيت بس البيت الثاني بية ركة...راح مني الرعب ... والتقيم شد من عزمي
الصدك سيد اني كنت خايفة من التفصيخ مالتك.... بس الحمد لله غدا الشر .....

واحمرت وجنة قلمي خجلا من هذا الاطراء والتشجيع الف شكر الك وكان لي الفخر بوصفي
مبدعة من شخص قلمة لا يسيل منه الا اروع الكلمات هذه شهادة اعتز بها من صاحب خبرة وله باع طويل في هذا المجال...

يمه ردت روحي