شوف شلون طاحت كل عروش الشر
ومايكَدر الظالم يلعب بغيه
شوف شلون ربك أخذ منهم ثار
حوبة كل عراقي وكل عراقيه
سووا بينه ماسووا ولعبوا داس
تفجير وغدر وأرهاب يوميه
خلونه ذبيحه وهمه كَصابين
و واحدهه يكَص من كل جهه شويه
ذوله الفجروا سامره نص الليل
وضريح الهادي والمشهود ماضيه
ماحسبوا حساب الدنيه من أدور
وكلمن عاش بيها أيموت تاليه
موشمات أحنه عيب لا والله
لكن هذا واقع صور مرئيه
أحنه أسلام أحنه أهل الشرف والدين
مانقبل بذله ولا عبوديه
مايرضون يتحرر وطنه ليش؟
ومايردون تبقه أوصافه عربيه
لاجن رغم أرض العراق بخير
ونبكَه بخير غصبن عالحراميه.
رد مع اقتباس
