قصة أحزنتني وأبكتني وآلله..
الولد ..ها حبيبتي شفتي صار 5 مرات اتقدم لأهلج بس اهلج مايقبلون يعني العلية سويتة وعبرت عن نيتي الشريفة وياج ؟؟.
البنية ..حاول اخر مرة واذا ما قبلو اهلي لازم انت اشوف طريقك
واني اشوف طريقي ..
الولد ..صار حياتي باجر اجيب اهلي واتقدملج ...
وبنفس الليلة حلم الولد بكابوس مزعج خلاه يكعد من النوم بنص الليل ولزم تليفونة وخابر حبيبتة ..
الولد ...الووووووووو
البنية ..ها حبيبي خير
الولد ..حياتي اذا ما قبلو اهلج صدك راح نفترك للأبد
البنية ..خير حبي اشبيك سولفلي
الولد ..حلمت انتي لابسة بدلة عرس واني جاي من الشغل وجهي وملابسي صايرات سود ردت الزم ايدج بس انتي ما قبلتي ...
البنية ..حياتي لاتخاف ان شاء الله ماكو شي روح اقرة ايات ونام ..
وجان ينامون وكعد الولد الصبح
واخذ اهلة وراحو البيت البنية
وطول الطريق هو يفكر بالحلم صارت الكعدة
واهل البنية وافقو ينطونة البنية
وفرحو اثنينهم وحددو موعد الزواج
وصار يوم العرس
طلع الولد اخذ البنية للصالون وهو هم راح للحلاقة حتى يحضر للعرس
ورة ساعة دك تليفون العروسة
( زوجي يتصل بك )وجان اجاوب الابنية عالأتصال...
الابنية \ها حبيبي تعال اخذني كملنة صالون
جان تتفاجئ الابنية من الكلام...
( اختي انتي زوجة صاحب هذا الرقم)
الابنية جاوبت وبدهشة \ اي اني
بس منو انت؟؟
جاوبهة المتصل وكال ...
&&طلب دمه الوطن واتبـــــرع ابروحه&&
&&صاحب واجب وماتقبل جــــــروحه &&
&&ترك عرسه ويكـــــول الموت ردته&&
&&فاذا انتي يخيتي صدك مــــــــرتة &&
&&تعاليلة ودشيـــــــــلي وياي جثتة&&
&&جسمة امطشر ومشكوكه كصتة&&
&&وعلى التربان عينة اعليج مشبوحه&&
&&طلب دمه الوطــــــــن واتبرع بروحه&&
أللهم أجعل يومي قبل يوم من أحب ياالله..
هنيأ لكل الشهداء
اللهم فرجها بحق شهر رمضان
الــهي أحفظ شبابنآ وأحميهم يارب العالمين.
رد مع اقتباس
