عراقي آني وبيّه تضرب الامثال..................عراقي وغيرتي للناس معروفه
عراقي وغيرتي موش امن امس واليوم...........................من لامس فراتي الكمر بجفوفه
عراقي وغيرتي من غيرة العباس...............والعباس بيه الغيره ملفوفه
عراقي وشحجي عن يافضل بالتاريخ..... .......................وروحي اوي الفضل والجود مالوفه
اذا قانون كالو اني ابو القانون.....................من ارض الناصريه انطلقت احروفه
واذا كالو علم مني العلم عالناس..................يتوزع يكفي الكون وصفوفه
واذ كالوحضاره اني ابو الامجاد...................آشور واكد بابل الموصوفه
مسلة حمورابي وسومر وأور.....................انا نهر الحضاره اليزهن اجروفه
شعب الاوصيا شعبي واظل نبراس.......................ارض الانبيا بالمجد محفوفه
كل الانبيا شربو من النهرين....................حتى آدم عراقي وطينته الكوفه
انا الكلي عيون امفتحه اعالخير.................عن العيب دوم اعيوني مكفوفه
ارض حيدر علي الكرار وارض حسين...........................ارض الكاظم المايرد ملهوفه
اني ارض الجواد البكرم موصوف.............غطه الكون كله وزاد معروفه
منقول
رد مع اقتباس
