فز اول جرح بالليل
فززت الضوه والغرفه ظلمة روح
گلتلك وين
اجيت وما جبت طولك
يمسافر بدنيه ابلاضوه ولاعين
على بالي 000
تظل عگده اويه خيط البال
يفلهه اشلون چف نسيانك المشلول
گلتلك وين
گلت بلكت تدگ الباب
يبوس الباب چفك من تدگ الباب
گعدت اشگد
بجيت اشكد
ولانسمه چذب مرت تحرك الباب
نومت الضوه والغرفه هوسة بال
رحت لوسادة الوحشه
غفيت امعارك اويه النوم
واجاني الطيف
حزمني ابجمر شبگه
وحزن فرگه
ياخذني عليك الشوگ
واوصلك ولااشوفك
واشبگت الگبر بالنوم
لااشوفك ولااعوفك
مغيم بالحچي گلبي
ولاگطره على اشفافيشفت امك تجي لگبرك
تغنيلك غناوي الماي للسباح
حتى ال بالگبر يم امه هم يرتاح
لااشوفك ولااعوفك
ولك جبنه الشمس ردنه
ولو بس الخيال امن الگبر يطلع
صرخت حيل ماتطلع
فزيت اعله صرختهه
تفسير الحلم گالوا
يريد امه تجي لگبره
هاي امك ولك يازين
درتلك لبن لمن صرت يازين
درتلك دمع لمن متت يازين
مثل لعب الهوه ابسعفه
گبل من تلعب ابشعرك
باصابعهه حلو التسريح
گذله امبلله ابلا ماي
وعلى اوسادة خدرهه اتنام
صدگ چف المنيه ايخدرك واتنام
على سچة ضوه ريل الفرح من فات
مشيت وما صرت أبعد
مثل فرگاك000
خيط الصفنه من يمتد
شطول ياگلب من فرگة الميت
يگلبي ابلا نهايه اوحد
أمك هاي نشدتني
يمه اشبيك صافن 000
صفنه وابلاحد
سولفت الحلم لامي
بچت گالت توديني
وگالتلي البخت أسود
البچي شمعه اعله چف اعمه
واجيت ابوحشة الظلمه
اتراب المگبره اتلگاني وي نسمه
لگاني اترف من النسمه
واسألت التراب اشلونك انت امنين
أشو ريحة اعزاز اوياك
ألف وسفه غديتوا اتراب
مد نهر الحزن چفه
لهرش روحي
ألف ورگة حزن صارت
ولانسمة خريف اتمر غصن روحي
اشردت بالطيف
اشردت ياطيف
من اتخيل اشموسك
تصير اجروحك اگبالي
ولا ألگالي خيط اغروب اليشدهه
تون روحي على أول جرح بالليل
ياليل اليوسدهه
اشردت بالطيف
اشردت ياطيف
كلشي اتريد اوديلك
اخذ من هاي روحي الكلشي ماعدهه
من يوحش الليل اوياك
أوديلك دمع لبچاك
ولو مرك برد شتريد
أوديلك جمر فرگاك
اخذ من هاي روحي الكلشي ماعدهه
واذا متريد كلشي 000
كلهه اخذهه اوياك
اخذهه وبعد لتردهه
هاي الكلشي ماعدهه
تحياتي
رد مع اقتباس
المشاركة الأصلية كتبت بواسطة المدريدية
