1_ حبيتك صدك واني اعترف راح
لأنك بالقلب صاير شرايين
يوسف وبحلاته دوخ الكون
وانته الي بحلاتك دوخت كونين
2_ بعد كلمة احبك ماتجي وياك
شأكلك وانة روحي تعلقت بيك
وبعد صدك ولا اجيبك على البال
بوسط البال اجيبنك واخليك
3_ مأدري شوكع من انت مريت
ادور ماكو شي واكع علية
ومن كد مادخت من شفتك تفوت
اثاري اني وكعت مأدري بية
4_ يل شعرك سواده إيغار منه الليل..
وخدودك مصيبه وحاجبك خنجر..
صرت مثل المفخخ من أباوع بيك..
وبس أوصل عيونك رأسآ أتفجر
5_ من حقك إذا تتكبر ومغرور...
وكلنالك قبل مو هسه هيعونك...
إذاأنت الهوى إلما يحجي مدري أشلون...
من يعبر عليك يكلك أشلونك
6_ ابوطول الحلو أمرك على الراس..
جمالك هذاكلي منين جبته..
أتفق ويه الشمس لتدوخ الناس..
لوتطلع شمس لوتطلع أنته
7_ بجمالك أفتخر صدك كمت عالناس
لأن صدك جمالك محد يملكه
الكمر ويه الشمس أشتركو يدوخوك
ومن شافوأ جمالك فضو الشركه
8_ كطعت الساني خاطر ما احاجيك
وخاطر ينتهي البينك وبيني
لكيت انوب عيني اتسولف وياك
كلي شلون أكص السان عيني
9_ مال اعيش بدونك اني مستحيل بيه
كل دكت كلب تحتاجلك
اني مامشتاكلك تدري انته ليش
لان ماناسيك حتى اشتاكلك
10_ من تمشي الصبح خل عينك على الكاع
لأن نضرات عينك تكتل ابن ادم
وأذا بليل تطلع فدوه رد بساع
اذا هية الصبح وادمنة تترادم
11_ يل جمالك بالمدارس درسو
والصفوف انترست بحبك ترس
ورسبو الطلاب كلهم بالأخير
خلصوهه استاذ عيدنه الدرس
12_ من يهل رمضان باجر لاتصوم
انت موواجب شهر رمضانك
انت بلسانك عسل ينقط عليك ي
عني تفطر بس تضوك لسانك
13_ منو كال الجفوف أتدك على البيبان..؟
شفت جفك بعيني أتدكه بيباني.
.ومنو كال إليموت يدفنه اي دفان..
!أنه ارجع عدل لوأنته دفاني
14_ طركاعة ولك شنهي الجمال البيك
تقنعني بجمالك هم يصح انسان
الأخرس حجه ويطلع الصوت
من شافت حلاتك غنت الخرسان
15_ يونس امر الله وبلعته الحوت
ورد امرة عليهة وعافتة الحوته
أذا انته بحلاتك زرت القبور
مسيرة وياك لازم تطلع الموتة
مما راق لي
تحياتي
رد مع اقتباس
