لـــــــــــــوحة الجروح
يا أكبر جرح شيب لهاة الكاع
مثل لون الورد تنزف مجامنهن
يل وجهك شمس تلجم يمها الريح
ويتبخر نداها .... بعين واجدهنّ
خطن مشتهاتي ....بسفرة الأحلام
وأنت برمش عينيك كمت ترسمهنّ
شيمت الوجع وبزغري أزامط بيه
ناب العوز كشر .....كوم دثرهنّ
وأمهلهن وكت يتصافن ويه الروح
هنه أجروحي ذني وأنه أعرفهنّ
كبرن وأصبحن جلمة بحلك مفجوع
ما يحتاج أكلك وأنت تعرفهن
ويل ترسم وجه لليل بيه أنجوم
عاين عل الدموع وكوم لونهن
ينجمعن سراب بحضن هاي الكاع
ويتطشر نداهن ....يا جف تلمهنّ
جي بيهن طبع عفه ومهابة ورح
عزيزه جروحي عندي وأبد ماملهنّ
وأصبر عل الهوان وشوف تالي الليل
شيجيب الدمع ..شيودي من عدهنّ
هنه أنجوم هنه الريح هنه الماي
هنه من الأزل مكتوب مولدهن
ومن تصفن شمسهن عل النجم ساعات
اشك ضلع النهار بحركة اسولفهنّ
خاطر ماتهيد اجروحي المعرسات
خاطر من يشوغ الليل يلجمهنّ
وأتنفس وجع بيه العذاب أشكال
ولأن بغداد أمهن هي أسوتهن
رد مع اقتباس
