نبض بحشاي دكيتك عزيز الروح سميتك عليك عيوني دم تفيض اذا فد يوم انه بجيتك اخاف عليك من نفسي لو باهدابي ضميتك وتغار عيوني من رسمي اذا بالصوره حاجيتك جفيت النوم من فركاك دخيلك...ارحم...أنخيتك اكظي اللي بالاشواك ومن شوكي تعنيتك فتحت كليبي الك ياصاح وكتلك فوت..اهو بيتك مشيت بحور يابو بحور وجرف راحاي خليتك نسيت جروحي كلها وياك ودواي وعلّتي لكيتك وكبل متصير اليّه دواي! طبيب وبيدي داويتك عشت احله الليالي وياك وحلم بجفوني غمضيتك يناي انت ونغم شفاف توالي الليل غنيتك
رد مع اقتباس
