غيرتك و الواك .... و النهر ناداك
منك يريد الجود .... هامة و نظر و زنود
جبل شفتك تضم اختك تودعها ... نفذ صبرك يابو الغيرة لمدامعها
رحت غاضب أسد كاسر تصارعها ... انا الكافل اخو زينب تسمعها
يالرحت ملهوف ... و الثمن معروف
حل يومك الموعود...هامة و نظر و زنود
------
تصد عيني على الراية و اﮔول ترد ... رجف ﮔلبي ﮔلت يحضر على الموعد
اصد عيني و اخوك بهم علينا يصد ... يناشدني و انشدنه و نضل ننشد
صوت اجانا منين ... من عضيد حسين
يم الخيم ما اعود ... هامة و نظر و زنود
------
ركض مسرع حنى ظهره و ﮔعد يمك ... نظر نظرة سجب عبرة و مسح دمك
على صدرك وضع صدره و بقى يشمك ... بعد طولك صرت وحدي و بدا يحشمك
خوية انشدك وين ... راية و الجفين
تسلم يراعي الزود ... هامة و نظر و زنود
------
رجع منك يهل دمعه و كشف حزنه ... اجت زينب و اجت سكنة تلكنه
اشو وحدك يابو الاكبر يسئلنه ... يكلهن ظل على الغبرة و اعذرنه
ما رجع وياي ... يستحي بلا ماي
شيعاود المفقود ... هامة و نظر و زنود
------
يمن بيدك جبت زينب تباريها ... رحت عنها وبقت تعتب يواليها
اجت يمك تظن تكدر تحاجيها ... سهم عينك على جفوفك يدليها
من تصد للراس ... يعتذر عباس
من تنظر العامود ... هامة و نظر و زنود
------
يجن ليلي و انا وحيدي تخليني ... على فراقك يا سور اختك عمت عيني
بعد من ظل يابو فاضل يسليني ... يسيرة امشي لا سيفك يحاميني
راسك المكطوع ... عالرمح مرفوع
و بكل جرح موجود ... هامة و نظر و زنود
------
ردت تحضر على القاصد يسلبني ... و لا شفتك ترد عايل يشتمني
ردت تنهض على الهزل تركبني ... احشمنك و لا تنغاض يا كافلني
يا عجب ما جيت ... و شكثر ناديت
يا خوية عني تذود ... هامة و نظر و زنود
رد مع اقتباس
