ليلة وداعج بسرعة مرت
كانت اسرع من دمعتي
لحظة فراكج مسافة بلا نهاية
اهواي اطول من دمعتي
والعمر بالفركة يطول
يمتى يخلص حتى اخلص من غربتي
دهري رواني انواع الالم
كل لحظة يرميني بسهم
واعرف نهاية هالعمر
كل الراح يرجع يا يمه بس انتي رحتي بلا نهاية وانا بصغري ضعيتج يمه
بلكي كلبي تتطفى ناره من اشوفج
لو انسى ما ينسى الجرح يسالني عنج
خليتي الموت ينتظرني
تدرين اول كلمة اكلج من اشوفج
يمه ليش رحتي
تدرين اخر حلم عمري الماتتحق
تدرين احلى كلمة اسمعه منج من صيحيلي يابنتي
يمه معقوله ماترجعين بعد يمه
ذابحني سيف الهجره
يشهد الله ماناسيج لحظه انتي دومج عل بالي
من كثرت باسمج الهج صرت اشكن انتي يمي لو خيال
انجوي بنارج وانادي اقربي اقربي
العفديتني هذا حالي
يايمه طشرتي جورحي واصيح يايمه
ابجي وعل وجهي اطيح
بعدج ولا واحد يمر
تاكل بروحي الليالي واشتكيلج
يمه وينج انتي
وارسم همومي بطريقج ومره اكتب
بس تعالي يمي
الطريق يشعر بي ومايجاوب يبجي سكته
ارجعي ياماخذه الشمس وياج
ياباجر وحلمي الامس ارجعي
مجبوره اقبل اي عذر
ماااصدك فاركتني
يمه وينج عذبتني وفكري يمج
انتي وحدج حيرتني
نوحي يشهد عليه الليل
انتظرج يمه ترجعين
عندي لج اعتاب شكثر يا يمه
عندي لج اعتاب شكثر يا يمه
بقلمي
رد مع اقتباس
المشاركة الأصلية كتبت بواسطة حيدر بصراوي
