هنا

[احمد صالح جودي]

سلام عليكم

شبــــأب

بصراحة اني عندي NanoStation M5

يعني يختلف عن

NanoStation 5

احب اعرف كيفية ضبط لان اشارة تختلف واذا اختار غير بلد تروح الشبكات وماكو العراق

واذا اغير بالمسافة هم تقوى وتقل الاشارة بصراحة دوخني

مع العلم اني مشترك ويا ايرث لنك

ماكو موقع مادورت بيه وحبيت اطرح الكم الموضوع ومنتضر منكم مساعدة

مع حبي واحترامي الى الجميع

[Suzana]

اوك وردة انشاءالله الاخوة ماايقصرون نقلنااه لهذا القسم حتى العالم اترد

[علاء]

السلام عليكم ...
أخي العزيز ...حبي لازم من تختار الدولة ...تختار (US ( united states حتى من يشتغل عندك النانو يشتغل بأعلى باور.
يعني راح اوتماتيكيا يروح على 24db أما بالنسبة للمسافة ماكو أي داعي تزيده خليهة مثل ما هي و اذا ردت تزيد فلا تزيد اكثر من 1 ميل.

و اذا ما ظبطت وياك انطينا خبر نرتبلكياهة .

شكرا

[Hazim]

شوف هذا الموضوع

http://www.dorar-aliraq.net/threads/...1%D9%8A-%29%29

[احمد صالح جودي]

مشكورين شباب بس ماكو فائده وهاي اول مرة هيج ادوخ بالنانو ياريت الي

NanoStation M5

يساعدنا ولا يبخل علينا مع حبي واحترامي الى الجميع

[Samer]

تأكد أنه عندك أحدث سوفتير للنانو m5 (يعني تحديث الفرموير مالته) .. حمل التحديث مالته (اخراصدار) من هذه الصفحة

http://ubnt.com/support/downloads

بعد ما تختار النوع (nanostation m5)

أو مباشرة منا

http://www.ubnt.com/downloads/XM-v5.3.3.build9634.bin

(دوس على Accept جوة)

و بعد ما تحدث الفرم وير إلى اخر اصدار .. جربه و شوف المشكلة تصلحت وحدها لو لا ؟

إذا ما تصلحت .. (بعد التحديث) جرب (اعادة ضبط المصنع) للجهاز .. و اختار الإشارة من جديد (لا تلعب بالاعدادات الافتراضية اللي ما نحتاج نغيرها عادة)

ممكن تكون اشارة المرسل (البرج) اللي رابط عليه انته متذبذبة بسبب كثرة الاشارات الأخرى .. او مشكلة بالمرسل نفسه .. شوف غيره إذا أمكن (بغير اتجاه أو غير channel )

إذا ما شفت اي شبكة أو اشارة (رغم انه النانو تشوفه كلشي ما بيه ) .. ممكن يكون الرايو مالته بيه ضرر (الجزء من النانو الخاص ببث و استلام الاشارة) .. و هذا يصير (عادة) بسبب دخول فولتية عالية للنانو (مثل بسبب استخدام محولة عالية القدرة)

تحياتي

[احمد صالح جودي]

شكرا سامر جهازي محدث اني ومابيه اي مشكله
اني بس اريد شرح اشلون اضبط لان هذا مابيه عامودي وافقي واسف اذا دوختكم وياي و
شكرا الى من كل قدم المساعده

[Samer]

لا تدوخ نفسك هواي .. هو ما بيه عمودي و افقي لان ماكو داعي هو يستقبلهن اثنينهن سوى

شوف ..بالنسبة إلي اني مثلا .. اخلليه عل اعدادات الافتراضية .. (بس اغير الباسورد و الايبي مالته) .. و اربط عل اشارة بدون أي تغيير لأي شي . طلعت زينة .. يعني زينة.. ما طلعت زينة .. المشكلة مو يمي .. يعني احول على غير اشارة .. اذا وصصلت لـ سالب 69 الاشارة خلص بيها مجال اربط عليها و استفاد منها استفادة كاملة .. عداها لا تدوخ روحك بالاعدادات ..

تذكر توجيه النانو لازم يكون مضبوط قدر الامكان .. إذا الوجه مالته (وسخ) او عليه مخلفات طيور يقلل هواي من جودة الاشارة

تحياتي

[احمد صالح جودي]

شكرا سامر وماقصرت انت والشباب

[علاوي الحسناوي]

ادخل على اليوتيوب وهوه راح ايعلمك اشلون اتضبط النانو