كصتي عين وتبجي لمن تستحي
جنهه دمعة عوز متكبعة بخجل
انا ربك عاجن بروحي الحياء
وما سكنت بيوم ريكان الجبل
انا عالقمه صرت بس مو غرور
القمه عد روحي ولك صدكني تل
كافي لا تعبد بعد صخرة بلال
شفاد ابو سفيان تاليته هبل
عالظهر جفك اجه بلهفة جهال
متاني وكت العيد لو دك الطبل
لهسه ماحكني الجرح بعده بكفاي
غطت فياي الخناجر شمسي ضل
لا تذب كومة حجي بدرب الظلام
ومن حليم القوم بالك لو زعل
الشمع صح لابس بوجهه الظياء
لكن من يموت يحرك لو نزل
عليه طشر حقدك انته شماتريد
الورده ورده شما يغطيهه الاثل
كتلك جفوفك جرف بالك تصير
يصطرهه خد الماي ويصيرن وحل
صابر عليك وخل عندي جبير
بأبره من اصبر تطيح ايدي الجبل
انا ما اكلك اردهه عندي عيب
هذا مو طبعي واقابل بالمثل
بدمي حنيت انته ادينك من مشيت
وانا وسط البال غاسلهن غسل
رد مع اقتباس
