موال بحق الامام علي عليه السلام:-
،،،،، يامن على گبته زين الورد ورد
وكتاب فضلك على صدر النبي ورد
ياريت چفك عطاشه كربلا ورد
والخطه الكون لو طبيت تحميها
نيران آله العرش لعداك تحميها
ياباالحسن جدمت بحماك تحميها
عن العسر واليسر يوم الحسب والرد
،،،،،
يمشيد الدين دهري الساعدي شدّه
والدنيه وي هالوكت صارت علي شده
تعلم بجرح الگلب يابا الحسن شده
بحماك يامن الباري للفلك عاده الك
أموالي اليواليك ومعادي الذي عاده الك
دوم المحب بيك دنيه وآخره عاده الك
واللي يندبك تحضره بساعة الشده
،،،،،
يوم النبي گال ياهو الرايتي شلها
وچفوف الأبطال يوم الزمجره شلها
واللي غريج ابحر ينخه علي ايشلها
جاه أرمد اللعين من ريجه النبي شافه
جيش الكفر ذل من حامي الحمه شافه
مرحب بالحروب ينعد بألف شافه
خلاه يلوج ابطبرته ولا واحد يشلها
رد مع اقتباس
