للخونة اقول ولبلدي الغالي اكتب كلماتي
الخيانة جرت ابدمك الاسود يمسموم
اوتاليهة اتبيع البلد باثمان معدودة
هذا العراق الفة هيج اشكال
ايخونة النذل باوهام موعودة
عفية على البلد اشكد اتحملت انجاس
يضحكون ابوجهك اوداخلهم قرودة
لانصدكهم وانة اعرف اكَلوبنة بيض
لان اصلنة طهر واصلاب محمودة
نعرف بالنذل لاجن ناخذ النيات
والمنافق بحكم الدين طياتة مشدودة
الا بالدليل يصدر منة الشين
اوفعل الحكم باجرام مشهودة
هيج اتعلمت انة من الدين
ما اظلم خلكَ بحجايات مصيودة
لاجن ضهرت حقايق اتبين المضموم
اثيل او مسعود خطواتهم مجرودة
واحد للترك يبجي وايريد الذل
او واحد حية سودة واطماع محدودة
ياحيف اكلتوا من ملح هاي الكَاع
اوشربتوا ماي النهر ارجاس معهودة
لاتظن الاجنبي ايريد النة الخير
عينة على النفط وايبيع بارودة
هية حال الدنية بس يومين
نتحمل غصصهة اوتفتح بيبان مسدودة
انة اعتب عليكم يا انذال
صرنة او تصورنة ايدنة بالخير ممدودة
يامة بنيتوا مدنكم ابنفط بصرتنة
تاليهة نفطك تهربة بليالي سودة
هذا فعل الخسيس او مايحتاج اوصاف
اوعيني بعين الله المايرد معبودة
يجي اليوم وانة انطيك الدرس
واشوفك جيفكم تطشر ابايد حاصودة
كبوة فرس والخيال صنديد
ابزلم العراق والشعب واجنودة
ولد الملحة اتحن الهاي الكاع
و الموصل او اربيل البلدنة العودة
النة ايام وايامنة اتعود
اوفات الي راح وايام موعودة
ماينفع بعد عتبنة اوياك هواي
او لابد البلد اسباع اتقودة
او لابد يجي اليوم الابيض واتشوف
كل احثالات البلد مطرودة
او مايبقى نجس ابهاي الكاع
اومثلث اخرالدنية مايقبلكم برمودة
ويفوح الريح من نسيم عنبرنة كبل
وتزهر حدايقنة ابفواح العطر واورودة
مو كل من صعد النخل صاعود
النخل اوسعفة ايحن لصاعودة
علي الكظماوي
رد مع اقتباس
