ايدك لاتضمهة ....ادري عالخير !!
ايدك لا تضمها ادري على خير
ولو هسه اني احس الحلقه من نار
هيج اني رخيص بحلقه انباع
مو جنت اني بيدك محبس اندار
جنت وياي تهوه تبيع وتخون
مثل السوك ماثابت على اسعار
شتكل اليسئلك عني فد يوم
ينراد الطعنتك كومة اعذار
شتكلهم فقير الفقر مو عيب
لو ماعنده بيت وكاعد ايجار؟؟
جم بيت بقصيده مبني بحساس
شيلته بضميري وجن قصر صار
تستهزء بجتفي العبرك ليش
ودكلهم سحكته وصار معبار
الفخر للشال مو للصاعد جتاف
تنداس الحشوش لمالها اشجار
اتريد ادوس جرحي وانه ما صيح
مثل بهجت الاصابع تحجي الاوتار
ياسولت غدر وبشاله الشوك
يابارد عشك بس بل طعن حار
على دكتك شسولف ما يصدكون .؟
ما سامع بدكتك حتى بسمار
اطلبك شاب مات بحسره الشوك
واحلامي بركبتك ضلاًَ اصغار
هلاهل زفتك جن ناس يبجون
وحسها جنازتك مو عرسك المار
وصحت الله يرحمك مدري وياك
جبيره حجايتك ما تمر عل بال
شابت من طعنتك روس الافكار
دبرلك وجه بي خاف الاكيك
وجه خاين حنون شعندك اختار
رد مع اقتباس
