مامعلوم؟
اشوفك مااشوفك؟نفترك للدوم؟
ايجوز انظل سوه للموت؟ويــــجوز اليوم آخر يوم
دنيانه كهف مهـــــــــجور..مانعرف شنو المظموم
احس هاللـــــــــيله مختلفه...يمــــي اتجمعت الهموم
وحس بالعين صاير شي..احس اجفوني جنهه اغيوم
واذا ابجي ازخ اجــــــــروح..مابيـــهن جرح ملجوم
كلــــهن جدد ايموتـــــــن...اوكلــــهن مايعرفن نوم
اريــــــــدك بس تسامحني..ياهو امـــن الغلط معصوم
كلـــبي الليلــــه مامـــرتاح..مثل جاهل غصب مفطوم
احس الروح مختــــــــنكه...اوعلى راسي المنيه اتحوم
واحس كلماتي الاحجيــــــهن..بيهن كل حرف مسموم
اموت ارتــــــــاح..وانت ارتاح..الجادر ينصب ميدوم
ثلث تيام كلــــــــشي ايروح..تظــل ذكرة صور والبوم
ابدنـــــــــــــيانه القدر مكتوب..لازم نرضى بالمقسوم
شفــــــــنه الحزن والافراح..ويمــــكن عام مر مشؤوم
يمكن نــــــــسهر اونفـــــرح..ونــــــام اوبـــــعد منكوم
اويمكن نصــــــــــــحه نلكه ايام..حلوه او مانريد النوم
شسولف بعد شحــــــجيلك..خلصــــــــت العمر مظلوم
اريد اشهك وحظنك حيل..بس عــــــوف العتب واللوم
عشت ابعالم الحرمـــــــان..منك لــــيش اظل محروم
يمته اتهـــون اظل اسئل..يمته اتـــهون مامــــــعلوم؟؟
مامعلوم؟؟؟؟
بقلمي
رد مع اقتباس
