ﻋﻠﻰ ﻛﺎﻉ ﺍﻟﺼﺒﺮ ﻫﺬﺍ ﺁﻧﺔ ﺃﺗﺎﻧﻴﻚ
ﺑﺎﺑﻚ ﻳﺎﻭﻛﺖ ﻛﻠﻲ ﺗﻔﺘﺤﺔ
ﺃﻓﺮﺡ ﺳﺎﻋﺔ ﻟﻜﻦ ﺃﺣﺰﻥ ﺍﻳﺎﻡ
ﻭﺻﻌﺒﻪ ﺃﺑﻬﺎﺍﻟﻮﻛﺖ ﻟﻮ ﺗﻠﻜﺔ ﻓﺮﺣﺔ
ﺻﺎﺭﺕ ﺣﺎﻟﺘﻲ ﻟﻠﺸﺎﻣﺖ ﺃﻓﺮﺍﺡ
ﻭﺗﺪﺭﻳﻬﺔ ﺃﻟﺸﻤﺎﺗﻪ ﺣﻴﻞ ﻭﻛﺤﺔ
ﺗﻔﺮﺡ ﻟﻮ ﺗﺸﻮﻑ ﺍﻛﻠﻴﺒﻲ ﺣﻴﺮﺍﻥ
ﻭﺗﻔﺘﺮ ﻋﺎﺍﻟﺨﻠﻚ ﻭﺿﻌﻲ ﺗﺸﺮﺣﺔ
ﺑﻐﻴﺎﺑﻚ ﺗﺮﺍﻧﻲ ﺃﻋﻤﻰ ﺍﻟﻌﻴﻮﻥ
ﺷﻔﺖ ﺃﻋﻤﻰ ﺍﻓﺘﻬﻢ ﻟﻴﻠﺔ ﺃﻭﻳﺔ ﺻﺒﺤﺔ
ﻛﻠﻲ ﺍﺷﺒﻴﻚ ﺻﺎﻳﺮ ﻫﻴﺞ ﻭﻳﺎﻱ
ﺷﻮ ﺑﻴﺪﻙ ﺗﻔﺮﻧﻲ ﺟﻨﻲ ﺭﺣﺔ
ﺁﻧﺔ ﺃﻧﺴﺎﻥ ﺗﺪﺭﻱ ﻭﻋﻨﺪﻱ ﺃﺣﺴﺎﺱ
ﻭﺑﻄﻴﺒﻪ ﺍﻛﻠﻴﺒﻲ ﻣﺎﻛﻮ ﺷﺤﺔ
ﻣﺎ ﺃﻧﻜﺮ ﺃﺣﺒﻚ ﺃﻋﺘﺮﻑ ﺑﻴﻚ
ﻭﻛﻼﻣﻲ ﺃﻭﻳﺎﻙ ﻛﻞ ﻟﺤﻀﺔ ﺃﻭﺿﺤﺔ
ﻭﺃﺩﺭﻱ ﺇﻧﺘﻪ ﺗﺤﺒﻨﻲ ﻭﺑﻴﺔ ﻣﺠﻨﻮﻥ
ﻭﺃﺩﺭﻱ ﺍﺑﺄﺳﻤﻲ ﻟﻠﻮﺍﺩﻡ ﺗﻄﺮﺣﺔ
ﻭﺗﻜﻠﻬﻢ ﺃﻱ ﺃﺣﺒﻪ ﻭﺍﻓﺘﺨﺮ ﺑﻴﻪ
ﻭﺇﺳﻤﻲ ﺃﻭﻳﺎﻙ ﺑﺎﻗﻲ ﻭﻣﺎﺗﻤﺴﺤﺔ
ﻟﻜﻦ ﺗﺪﺭﻱ ﺑﻴﺔ ﺁﻧﺔ ﺃﻏﺎﺭ ﺃﻋﻠﻴﻚ
ﻻ ﺗﺤﺠﻲ ﺃﻭﻳﺔ ﻏﻴﺮﻱ ﺃﺗﻜﻠﻲ ﻣﺰﺣﺔ
ﺃﺣﺒﻚ ﺗﺪﺭﻱ ﺑﻴﺔ ﻭﺍﻧﺘﻪ ﺩﺍﺭﻱ
ﺻﺮﺕ ﻣﺴﻜﻦ ﺍﻟﺮﻭﺣﻲ ﻭﺍﻧﺘﺔ ﺩﺍﺭﻱ
ﺃﺩﺍﺭﻱ ﺃﻫﻮﺍﻱ ﺭﻭﺣﻚ ﻭﺃﻧﺘﺔ ﺩﺍﺭﻱ
ﺣﺘﻰ ﺃﻧﺪﺍﺭﻱ ﺣﺒﻨﺎ ﺃﺣﻨﺔ ﺳﻮﻳﺔ
ﻷﻥ ﺑﺲ ﺃﻧﺘﻪ ﺃﺣﺒﻚ ﻛﻠﺒﻲ ﻭﻳﺎﻙ
ﻭﺃﺑﺪﺍ ﻣﺎﻳﻔﻜﺮ ﻳﻮﻡ ﺑﺎﻟﻐﻴﺮ
ﻃﻴﺮ ﺁﻧﺔ ﺃﺻﺒﺤﺖ ﻭﺍﻧﺘﻪ ﺍﻟﻲ ﺃﺟﻨﺎﺡ
ﻭﻃﻴﺮ ﺃﺑﻼ ﺟﻨﺢ ﻫﻢ ﻳﻜﺪﺭ ﺍﻳﻄﻴﺮ؟؟
ﻣﺄ ﺃﻗﺼﺮ ﺗﺮﺍﻧﻲ ﻭﻋﻬﺪﻱ ﻭﻳﺎﻙ
ﻭﻻﺗﻌﺬﺭ ﺁﺑﺪ ﻟﻮ ﺷﻔﺖ ﺗﻘﺼﻴﺮ
ﻛﻼﻣﻲ ﺃﻭﻳﺎﻙ ﻭﺍﺿﺢ ﺃﺳﻤﻊ ﻭﺷﻮﻑ
ﻭﻛﻞ ﻛﻠﻤﺔ ﺗﺮﺍﻫﺎ ﺃﺑﺄﻟﻒ ﺗﻔﺴﻴﺮ
ﺃﺭﻳﺪﻙ ﺑﺲ ﺍﻟﻴﺔ ﻭﺩﻭﻡ ﻭﻳﺎﻱ
ﻭﺑﺎﺑﻚ ﻣﺎﺗﻔﺘﺤﺔ ﺍﺑﺪ ﻟﻠﻐﻴﺮ
ﻣﺎ ﺃﻗﺒﻞ ﺗﺮﺍﻧﻲ ﺃﺗﺠﺎﻣﻞ ﺃﻟﻨﺎﺱ
ﻭﻱ ﻏﻴﺮﻱ ﺗﺴﻮﻟﻒ ﺃﺑﺪ ﻣﺘﺼﻴﺮ
رد مع اقتباس
