في عيد الأب… على ضريح ولدي
.
متعود ياابني بهاليوم تعايدني ، متعود تجي تبوسني وتضمني وتقلي تنعاد عليك
ياابني كنت تهديني بكل عيد وانا قلك ياابني ما بدي منك شي ، بدي شوفك شيخ الشباب وهاي اكبر هديه
بس هالسنة هديتك مقبوله ، هديتني لقب ابو الشهيد شو بدي احلى من هيك هدية ??
ياابني اني مش زعلان انك استشهدت ، اني زعلان اني ما كنت معك ، ما اقدرت لبسك الجعبه ، ولا نضفلك السلاح وناولك اياه
ما كنت معك ساعه ما تصاوبت ، ما اقدرت امسح الدم عن وجهك ، ما اقدرت لقنك الشهادة لحظة شهادتك
ياابني ، يا غالي ، يا حبيبي
سامحني ، كنت بتمنى هالنومة تكون الي ، وتجي انت جايبلي شوية زهور ، وتبخر قبري وتعايدني
بس طلعت انت اشطر مني ياابني
اني ما اكرمني الله بالشهادة ، بس اعطاني لقب بعتز فيه بين الناس ويوم القيامة لقب والد الشهيد
هالعيد ياابني الو طعم تاني ، اول مرة بعرف طعمتو ، بشكرك ياابني عا هالهدية ، بشكرك عا هالعز ، بشكرك عا هالكرامة
بس ما تشوف حالك علي ها انك شهيد واني راحت علي
تذكر ياابني انو حبيب بن مظاهر كان ختيار ، كان رابط جبينو بعصبه كرمال يرفع حواجبو عن عيونو ليشوف منيح ،
وقاتل واستشهد
واني املي بالله كبير ، رح نال هالشرف ياابني ، ومتل ما انجمعنا سوا بالدنيا ، رح يجمعنا الله بالاخرة
يلا ياابني بخاطرك ، وهديتك مقبولة
بقلم ابو حسين
بانوراما الشرق الاوسط
رد مع اقتباس
