السلام عليكم جميعا
هذه مجموعة اشعار لامي الراحلة
واتمنى ان لا اكون سببا في جرح احد
يمه انه صديقي بحضن امه ينـــــام
يمه وأبجـي سكته شما سأل عنج
يمه وكال مامه واني هزني الشوك
ضلــت حســره انـام بكـل كـتر منج
يمه ارسمت صوره بنص توالي اليل
ويمه ضلوعي كلهـن نامـن بحضـنج
حنين الام
حنيت الج يايمه ولشوفتج مشتاك
عذبتني الليالي والحظنج اني احتاج
بس صورتج كبالي شتفيد من بعد الفراك
رجعيلي يايمه ومسحي دمعي
والله البيت عتمه عليه من يوم فركاج
احس صوتج بأذني كل اشويه اكوم
ادور بلغرف بلكي الكاج
رجعيلي يايمه والله اشتاكيت للسوالف وياج
صدكيني يا يمه ما فاركني الدمع من يوم فركاج
يمة ســـــــوو اجتماع الامهات
وانتي مــــــا جيتي كلت تعبانة
يمة كـــــل واحد لزم امة بديه
وانة كـــض من الكبر تربـــانة
علمــــوني درس زرع البـذور
بذرة تطـــلع مــن تطب سندانة
وانتي صارسنين مدفونة بتراب
يمتة شوفج طـــــــــــالعة ويانة
يمة علمتيني اكـــــــلج يمة ليش؟
يمــــــة هجرج ذيب حــد نيبانة
يــمـــة طبع اليل يستر عل عباد
وانـــة ليلي يجيب كـــل احزانة
يمة اكشف روحي بلكنج تجين
يمة مــــــا جيتي و تغطيت انة
يمة كل واحد يكض امة بسرور
ويلعب بمشية ويغني اللـــــسانة
وانة شايل دمعي وبدمعي مشيت
وعلى خـدودي الحزن دك نيشانة
يمــــة اتمنة امــــــوتن هسة كون
وكبري يـــم كبرج يظل جيرانة
رد مع اقتباس
