هنا

[ريم الانصاري]

طعم الدنيا راح بروحتك هاي
ولو هذا الكلام وياك بعديش
كلشي ايعيش بيه مات بجفاك
عدا جروحي وضحكتك باقيه تعيش
تطشر ريش عمري بيوم الفراك
وبقه ابابك الهسه امجلب الريش
ولك حته الطيور البيض بجفاك
احس بيهن وعلي جنهن خفافيش
من يوم العفتني بدمعي لليوم
خيط مروره صارت بيها دنياي
متت مو موتت الله موتت جسم
ميت بس عدل هم سامع بهاي
ولك ولا واحد وكفلي بيوم المشيت
بعدك بس الصور وكفت وياي
توفتك من تجيني بالليل بالطيف
تصير شلون كعده دموعي والناي
حقك من رحت ما كلت معذور
بطلاع الروح جايب عشرتك وياي
بعت نفسك ضميرك لجلي لتحير
قابل بالغدر بس المهم جاي
آنه مشتاك مو بس عاطفه وشوك
الوكت البي عفتني كثرت اعداي
وراك ايامي وروحي وسنيني
اخذتها وياك كلها بطشت الماي
واتأخر كمت من اكتب البيت
مو قصه حصرتي وضيم دنياي
شيبت شاعريتي بيوم الفراك
لذلك بالقصديه اتأخر هواي

[سمير العراقي]

روووووعة صح السانج

[ريم الانصاري]

تسلم ايصح بدنك

[زاهر zahr]

شكرا ريم جميل جدا

[ريم الانصاري]

شكرا ريم جميل جدا

العفو تسلم من ذوقك