ابوذيات كوميدية جدا جميلة لأصحاب المهن
كتب شقي الى حبيبته قائلا
أتعارك ياحلو لأجلك واطك طك ...
وللحساد اذب حرمل وأطك طك ...
افرح من تراسلني وأطك طك ...
وأطك أصبع بس تسأل عليه
كتب عاشق طائفي الى حبيبته قائلا
عمري التيهيته وضاع سني
كبرت وطاح من كدام سني
شيعي وجيف احبه صرت سني
وتيهت الخمس والمرجعيه
كتب أبو فلافل الى حبيبته قائلا
حلو يالشعرچ مفلفل فلافل ...
وحك عيناج عن حبچ فلا فل ...
عشرتي وياج صمون و فلافل ...
دجاج تصير ومطبك سويه
كتب مصلاوي الى حبيبته قائلا
عليم الدمع يا عين كبي ...
وعلى غاسي الماي يا حلوي كبي ...
صوجي أنا بالليل أتعشيتو كبي ...
ما نمتو ليلي وهاج قولوني عليي
وهذه مجموعه ابوذيات كتبها اصاحب المهن
يطيبني لأن الطيبه جذره
وعدل هو من قالبه وجذره
أنا بلياك سن متأذي جذره
بعد متفيده حشوه دائميه
(دكتور أسنان)
كلبي عطش لأعرابه وضمأ
وسط كراس أحطنه وضمه
خبر كان صرت بحبه وضمه
كمت بادغام أون ونه خفيه
(مدرس عربي)
كلبي حيرني بهندسته وجبره
وعلى فراكك ولك مكدر أجبره
علاج العظم من ينكسر جبره
وكسري بالكلب شيجبره ليه
(مدرس رياضيات)
بتضاريسك زاد عشقي واستوائي
واختل طولي وعرضي واستوائي
بمضيق أصبحت على خط أستوائي
يل مناخك معتدل أمطر عليه
(مدرس جغرافيه)
على اليسأل عليكم ولك سل
وصاب الكلب بجفاكم ولك سل
أنكطم روط الكلب منك والاكسل
وصرت شاصي من فركاك اليه
(أبوذية فيتر)
أخذت الدوى وما اثر ولا فات
وبلعت كبسول بالميه والافات
شديت الراس أباندج ولفات
طلعت (أرتين) ومأثر عليه
(أبوذية صيدلاني)
گمت أفتر يم بيتها وحوله
وطلبت رصيد من عندي وأحوله
تاليها طلعت سوده وحوله
وفوكاها تتعنفج عليه
رد مع اقتباس
