ياحبيبي عيوني زاعلها المنام
صالح الليل الزعل وي عيني
مرني طيفك بس جنت مامشتهيك
اتمرني طيف ومشتهي تحاجيني
مشتهي عيونك يدلني عليك
ومن الاكيهن علي دليني
بردت لون الشمس من مااجيت
واني بردان الثلج بسنيني
جيب عينك خل تظل يمي تبات
وشوف حالي بياوضع تلكيني
اوودي جفك هسه لختك خل يجيب
من الشمس حفنه ويجي يدفيني
وخلي اسمك من يمر لايحجي بيك
حروف اسمك من تمر تسبيني
معوده عيوني وانه معود عليك
وساكن انته ابين روحي وبيني
وهذي سوله من الله احبك موبديك
الماي غصبن عالعطش يرويني
اتريدني اعطش ياهتن واني برجاك
ومن يمر غيمك علي يجزيني
احنه عدنه بدينه اليكتل حرام
تريدني اعدل عن شرايع ديني
اتريدني اكتل نفسي معناة الكلام
بلايه حبك مااظل تدريني
اني وي هذا الصبر كوم وخراب
ولاحويته ولا اظن يحويني
هذا حالي وكلبي عندك وانته شوف
ابيش تطلب حته اسدد ديني
انه متقرض غرامك حته اعيش
بكيفك اخذه بلا فرح خليني
بس اوافق عالطلب هذا بشروط
وشرطي الاول للهوه تنسيني
وطير حبي بشجرتك ينسه الغصون
وكل لغصنك لا بعد يغريني
وشيل اسمك من وسط كل الحروف
وخل يغمض اعيوني التراويني
وكل لذكرك لايمرني وي الحنين
وكله كافي بجيته يبجيني
وردلي روحي الشافتك هالة ملاك
وشافت الدنيا بغوه تناديني
ومن تسوي شروطي كلهن ردلي بيك
اني عاشك وانته المسميني
الى احدهم مع الود
بقلمي
رد مع اقتباس
المشاركة الأصلية كتبت بواسطة شيفرة دافنشي
