مختنك رايد أشمك بس تعال
لا تظن غيرك عطر أتنفسه..
أنت شتحس كلي هم تشتاكلي
وله حب البينك وبيني أنسه..
لا تظل ساكت تجاوبني أريد
كافي أفكر بيك كل صبح ومسه..
أني بين أضلوعي شلتك من زمان
وأنت جوه الكاع كلبي أمغرسه..
ليش ماتحجي تواجهني أريد
يعني هانت عشرتي وكلبك قسه..
لا تظن ترتاح لو هزك حنين
عود أذكرك من تريد أتبوسه..
وتالي أذكرني أبدموعك من تسيل
ياهو غير الجان خدك حارسه..
من يمشط شعرك أذكرني وتعال
جانت أيديه أبحنان أتلامسه..
كافي ما أعتب عليمن هالجروح
عقلي طار وخلكي خلص واهسه..
وأني أسف جي ذكرتك من جديد
مايفيد أرجع وأعيد.
أنت عندك حب جديد.
وأني حبي الما رسه..
وكلبي أذا يرجع يذكرك من جديد
أبرجلي أدوسه وجني ماعرفه أيخسه..
رد مع اقتباس
