(((((((الى الذي باع وطنه ))))))))
يالحطيت ايدك بيد داعش ليش
ودخلته المدينه ونجَس الديره
موقف مو مشرَف خجل وجه الكاع..
دوخني شكثر ماعرف تفسيره
اشكن مو عراقي ولا ابن هالكاع...
ولاعندك حميه وحيرتك حيره
خواتك حشَمن رادن تصير العون ..
تسمعهن يصيحن وجهك تديره
المسيحيات صرخن وانتخه ابن الهور...
جن زينب تصيح وطفحت الغيره
تنخَه وكال حيهم وانه عد عيناج ..
العمر فدوه الخواتي ورخص تسعيره
وتحزم بالفشك وتعنه ليج بليل ...
بدا بتكريت لمن خلص تطهيره
وتلعفر تنخت هايبن ذي قار ...
ابن العاص اجاني وجاب خنزيره
وخواتك ذني عندي يلوجن امن الخوف ..
لو جامع يأذن صعد تكبيره
تعنه وشال بيرغ بي وطن مرسوم..
اليوم اليوم واجب علي تطهيره
وصل تلعفر وهوس بعالي الصوت ..
(((خل يمن كلبج يرعيعه )))
خل يمن كلبج يرعيعه
:
:
كريم كاظم السعداوي
رد مع اقتباس
