هنا

[^ملاك الروح^]

و انة شكد غشيم و صدكت حبك ...

جنت بعيني اشوفك اجمل من الكون ...

ثاريه القناع الخافي بيه وجهك ...

دور الحب لعبتة و مثلت وياي ...

كافي الدور خلص انزع اقنعتك ...

اوراقك انكشفن و بين المستور ...

و جنت اني الضحية بهاي سالفتك ...

باجر قصة تنزل تطرب القراء ...

و انت تصير كاتب تنشر بقصتك ...

و انة اكتب قصيدة بدمع هاي العين ...

و اكتب يا حسافة شلون ما عفتك ...
كون امسح الماضي و كلشي ما مرغوب ...
اول شي امسحة ايام معرفتك ...

[احساسي سر حياتي]

گالو ما تجـــي وگالو عليك بعيد
ودرب كلش طويــل البينك وبيني
شح مني الدمع گـد ما بچيت أعليك
وأعاتب بالگمـــر هلبت يواسيني
ظلم كلش ظلم تحيـا وتموت بشوگ
وچا شنهو العمر من تذبـل رياحيني
تعب حتى الورق حبر ودمـع مخبوط
وحسره وي القلــم تاذيني وتبچيني
صفه رسمك حلـم عذب حنايا الروح
ومثل طيفك أبد مـــا شايف بعيني
نهر طولك عذب صـافي ويرد الروح
وأنه الميت عطش وبگطـره ترويني
أكتبلك شـعر وأسطـــرلك الأبيات
وانته بلا بخـــت بالفرگة تچويني
قيس بعام واحـد وتيبّس من الشوگ
وانه سنين مـــرّت ما غفت عيني
گلي شلون رايك والعمــر محسوب
وچلمات الشماته تگـــول ناسيني
طلابه وي العشگ وأيامي كلهن ليل
وشمس حبك ظلم من مــا تضوّيني
كافــي من العتب راح أختم الأبيات
وأحچيلك سطر بـــي كل عناويني
مثلك ما شفت ولا رايـــد ولا ريد
و أحبك موت عنوان لدواويني