كل يوم اعطب واحترك مالي هجرك عله طاكه ازحف عله دروب العشك وادري العشك بشتاكه
بشتاكه با درب الهجر والشوك مثل الجدمه
اليوكع عليهه ينكسر والتكع فوكه اتهدمه
اني ادري جتال الصبر وادري اليحبكم يعمه
راويتني نجوم الضهر لا مستحه ولا ذمه
يمبدل العيد بطبك يمته بفرح نتلاكه
من عشرتك دمعي دفك عيني اصبحت زراكه
احبابي ما بيهم نفع باليني حبهم بلوه
كلسا يطك عندي ضلع كلسا كتر يجوه
روحي مثل طبع الشمع صارت جسر للخوه
لاكن بعض بيهم طبع ما يرهم الا بعلوه
بعض السوالف تنسحك بعض الجلم نفاكه
بعض الحجي يشك الحلك بعض الحجي ابطكاكه
اني ادري يكتلني البعد من حيث منك ايست
ضليت بس عضم وجلد وانته بعذابي تونست
اتحملك حر وبرد و بكاع صبخك يبست
اتنطرك بلكن ترد لا خاطب ولا عرست
روحي اعتنتلك من صدك حنت حنين الناكه
من العتب شايل طرك ومن الحزن علاكه
مع تحياتي اخوكم حسن الرماحي
رد مع اقتباس
