تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو
بس تكفى لايحط فلفل
زوجها تسدح من الضحك وهي تقول احسبها وجبه او طبق معين
-----------------------
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه
وش سوت راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه
------------------
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجها علي للحين كل ما شاف زيتون قال هاه بالشوكه والا بيدك خخخخخخخخ
------------------
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
---------------------
يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع
زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع
الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك
يقولون امزحي معه وهذي آخرتها
-------------------
بقولكم اليوم عن وحده اعرفها اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله
ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله
ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
---------------
هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره المهم جلست استـناه
يوم وصل عندي وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي
---------------------
ودحين نروح للقسم الثاني و25 كذبة للاولاد
-----------------------
اشهر 25 كذبه عند الشباب <<< الله يستر
هذي بعض كذبات الشباب على البنات اتمنى انها تعجبكم
-1حبيبتي تدرين والله انا ماعندي حركات الشبااب .. ماكلم بنات.. اصلا ماحب هالحركات..
(( باااااااااين وانت كل بنات العالم يعرفونك ))
2- مادري حبيبتي احس اني اعرفك من زمااان
(( لا يمكن ملخبط بينها وبين وحده كنت تعرفها اول .. يمكن في شبه ))
3- حبيبتي احس انك غير عن كل البنات احس انك مختلفه وغير عنهم
((ليش فوق راسها ريشه و لا من كوكب ثاني ))
4-حبيبتي والله احس في اشياء كثيرة انا وانتي نتشابه فيهااا .. كأننا شخص واحد
(( سبحان الله اخوها في الاسلام لازم يكون في شبه ها ها هاااي ))
5-ياليتني ياقلبي عرفتك من زمان
(( معليش كان عندك زحمه ))
6- حبيبتي انتي تامرين قلبي امر .. كل اللي تقولينه البيه
(( ايه في الاحلام اكيد ))
7- حيااتي ابيك تتغطين عشان ما احد يشوفك غيري لاني اغاار
((لا يا حرااااام الغيرة حرقت قلبك حرق ))
8- ابجي اخطبك من اهلك بس بعد ما اكون نفسي
(( اجل من تكوون هع هع بس صح تكسر الخاطر فلوسك كلها على الجوال والسيارة وعزايم ربعك و و و الخ ))
9-يا قلبي ابغى اشوفك باقرب وقت ماقدر على الشوق اللي ذبحني
((يبغى اصحابه يتأكدون انها حلوة ))
10 - انا احب الشعر ومن هواياتي الرسم والسباحه
(( لا رومنسي الحبيب ))
11- حبيبتي حطي في بالك ترى انا اذا حبيت حبيت من كل قلبي
(( اقول بس اي قلب فيهم ؟!!!! ))
12- علاقتي فيك محد يدري فيها ابد لانها تعتبر من اهم خصوصياتي
(( بس عادي كل ربعــه يدرون .. لانهم مو اي احد ))
13- شكلي حبيبتي راح اطق لي جاكوار من الوكاله
((اذا مو هوندا موديل 76 من الحراج ))
14 - احتمال اروح سويسرا الصيف الجاي
(( ايــــــــــه هيــــــن <<<< بس قولها الجوال ماهو معمم لانه مايشتغل بالديره))
15- دايم اشتري عطوري من تناغرا
(( الحمدلله والشكر ))
16- لما اشوف رقمك في جوالي قلبي يفز من مكانه
(( اكييد .. خايف تكون كشفت ملاعيبك ))
17- فلان قال لي اعطيه رقمك .. بس انا قلت له اقتلني قبل ماتاخذ رقمها مني
(( هاهاااي يا مضحي انت يا شجااع .. هذا اذا مو كل الشباب يعرفون رقمها المسكينه ))
19 - حبيبتي ابغا صورتك اخليها عندي عشان قبل ما انام اشوفها واحطها تحت راسي وانام
(( لا وانت الصاج عشان يوم تمل منها تهددها ))
20- اسف حبيبتي امس ما اتصلت عليك بس كنت مشغووووول مررررة مع الدراسه
(( باين يا نيوووتن انـــــــــت ))
21- تدرين حبيبتي انا دايما البنات في المجمع يطلبون رقمي ... بس انا ماعطيهم فيــس دام انتي حبي
(( هاهاااي .. الترتيب الصحيح للجمله .. دايماا انا الحق البنات بس مايعطوني فــــيس ))
22- والله حبيبتي كان ودي اجي عالموعد اليوم بس صارت ظروف صعبة جدااا وماقدر اجيك
(( ايه صح تذكر موعده مع خويته الثانيه اللي واعدها 10 مرات وخلف وعده ))
23- امس مانمت... طول الوقت افكر فيك... اخذتي عقلي حبيبتي
(( الا قصدك نمت وحلمت وشبعت نووم ولا تدري عنهاااا اصلاً ))
24- انتي احلى بنت شفتها بحياتي ماظن القى احلى منك
(( ليش متعرف على ملكة جمال الكون واحنا ماندري؟؟))
25- الظاهر بشتري كمبيوتر جديد... كمبيوتري صار له شهرين معاي وكمبيوتر اخوي مايعجبني والكمبيوتر الثاني ماتأقلمت معاه
((ماشاء الله وكالة كمبيوتراات ....اراهن بعمري على انه كمبيوترك قديييييييم وماعندك غيره كل ماخرب صلحته)
اتمنى تعجبكم
رد مع اقتباس