هنا

[روح الورد]

بســـــــــــــــمار العشــــــــــــگ

اثر چفي اعله بابك كثر مادگيت
ومل حتى الجدم گد مااجه لدارك
يانغمة بلابل ترن كل مصباح
يفك بابه العشگ من يسمع اخبارك
چنت شجرة عشگ حايل تمر ع الناس
ولامره اشتكيت برمية احجارك
خطارك عيوني وروحي اجتك طيف
ترد بيا عذر لو وصل خطارك
درجع مو گلت حسبته يوم..اثنين
وينك يالعفتني اتگلب بنارك
ابتله المن گال عذر الغايب وياه؟
خلصت العمر بس احسب اعذارك
ساعه اسكت واگولن هسه راح ارتاح
وساعه اركض واهيجن واتبع آثارك
ياهيبت نخل شنهي القساوه البيك
ليك بشوگ اجتي تطوف زوارك
داريتك عمر وبدمعي چنت ازگيك
وصرت بير لحضرتك وادفن اسرارك
ماضگت الرطب بس نوه حصتي وياك
وللغربه شلع رخصته جمارك
تلوعني بغيابك ثار مني تريد
شني حرب البسوس الماخلص ثارك؟
وينك بس درد باب العتب مفتوح
واقبل حتى لو كل لحظه نتعارك
آنه ادري بجحا بسماره دگه اباب
وانت اعله الگلب دگيته بسمارك

[سورى]

شكرا لك

[النقيب]

كلمات روووووووووووعه
شكراااااااااااااااااااا