هنا

[علي الاسدي]

بسم الله الرحمن الرحيم
قصة قديمة جنت اسمعها وراح اسمعكم اياها

** طبعن بجلفية **


جان اهناك واحد اسمة *حديد* هذا لاشغل ولاعمل عنده كاع بس مايزرعها فزرعو اهل القرية وكالولة حديد السنة هم ماتزرع كاعك سكت احديد ويوم الحصاد .كال حديد عندي فكرة راح اذبح البقرة مالتي ووزع لحمها لهل القرية فكل واحد راح ينطيني شوية من المحصول راح اجمع هواي اكثر منهم فذبح حديد البقرة مالتة اوزع لحمها للقرية اهل القرية ولاواحد انطاشي .فنتضر يوم اثنين وماكو صار اسبوع وماكو .ففكر حديد من جديد اخذ الجلد مال البقرة مالتة وراح لنهر يغسل بجلد شافو حديد يغسل بجلد كالولة ها حديد اليوم تغسل بجلد فرد عليهم .اريد ابيع الجلد فضحكو علية .وثاني يوم اخذ الجلد على الحمار وراح يمشي فصار الضهر شاف بيت قريب فضافة .طلعتلة ام البيت اهلاوسهلااتفضل يعيني هسة يجي ابو البيت فطب حديد .وكعد بلمضيف فسمع حديد صوت رجال بلبيت ستغرب هذا ابو البيت وسمع ام البيت تكول هذا دجاج ولحم اكل يعيني .اجة واحد من اطفالها يصيح اجة ابوي اجة ابوي فسمع حديد ام البيت تكول انتة البد بلجدر الجبير واني راح اضم الاكل جوه المعجنة .وصل ابو البيت فشاف حديد رحب بحديد وكعديمه شويه وصاح الغدة يامره فجابتله روبة وخبز صفن حديد كال اني اكل روبة والاكل ضامتة فبهل اثناء كام يصيح الحمار كامله حديد بلعودة هزرة تهزر صاح علية ابو البيت ليش خطية هذا الحيوان .جاوب حديد هذ الحمار وين ماروح يفشلني .شلون يفشلك .جاوب حديد .هذا الحمار اني اعرف حجيه.ابو البيت يعني تعرف الحجي مالته .حديد اي نعم .ابوالبيت شكال الحمار مالتك .صفن حديد وكال بعدين بعدين .فرجعو للمضيف .هم كام يصيح الحمار .كاملة حديد هم هزرة بلعودة .لزم ايد حديد ابو البيت وكاله ماتكلي شيكول احمارك .جاوبة حديد يكول الحمار كل لمعزبك اكو جوة المعجانة لحم ودجاج جيبة وتغده بي انتة وخطارك .فراح ابو البيت رفع المعجانة شاف لحم ودجاج فندهش كال لم البيت هذا منو الضامة هنا فكالت ماادري .جاب الاكل وتغدة وية حديد وكل شوية وكال هذا حمارك يصدك .شبع حديد ورتاح وهم صاح حمار حديد وكل عادة حديد بلعودة هزرة .سال ابو البت حديد يمعود شيكول هذا النوب .جاوب حديد خاف ماتسوي الي يكولة .ابو البيت اسوي هذاحمارك كلشي يعرف .جاوب حديد يكول كل لمعزبك خلي يحمي كدر ماي كون يفور ويذبة بالجدر الجبير لعدهم .جاوب ابو البيت صار فحمى جدر جبير لحد مافار كام يصمط سمط فتكابلو علية وداروه بلجدر الجبير .فسمعو بس صوت .عع.شاف ابو البيت زلمة بلجدر كال هذا مو فلان .سال حديد هذا منو كال ابو البيت هذا ابن عم مرتي بس ابيناتنة ثار محد يوصل لثاني.سال مرتة هذا شيسوي اهنا.جاوبت ام البيت جابلي غراض من امي وسمعت بيك اجيت فلبدته هنا .خطية المسكين ضلمناه.ابوالبيت شلون هسة هذا مات شراح يخلصنة من عشيرتة .جاوب حديد ولي يخلصك .ابو البيت شيريد انطية .جاوب حديد اريد100 دينار .جاوب ابو البيت ماعندي هذا المبلغ امروتك العدنة ولماعدنة 80 دينارصار اسنين نجمع بيهم امروتك .فقبل حديد وين لاكيه .فلف الميت بلحصير وخلاه على الحمار وراح يمشي فوصل قرية ففكر حديد .ضم الميت وراح اشترى اقماش وعباية وعمامة ورجع لبس الميت دشداشة وعباية وحط العمامة على راس الميت وشده على الحمار .وهدالحمار على بيدر الحنطة مال القرية فكام ياكل الحمار شافو من بعيد اهل القرية صاحو .يامومن وخر حمارك يامومن وخر حمارك هوة ميت وين يسمع .فواحد منهم ضربه بلتفكة والله جابهة بلكصة وكع بلكاع .شافة حديد وكع اجة يركض ويصيح ياخوية ياخوية يلي معيشنة كتلوك المايخافون من الله.وصلو اهل القرية شافو الطلقة بكصتة .صاح حديد اليوم اليوم اني من العشيرة الفلانية اليون ننفيكم .جاوبه جبير القرية عمي ماندري انته فصل واحنه نلبس .جاوب حديد اريد1000.دينار فصل .جاوب جبيرهم صار .اخذ حديد الفلوس وراح دفن الميت وراح اشترى بمكان البقرة عشرة وشترى غنم ورجع للقرية.فشافو حديد جاب حلال وفلوس تعجبو .هم فكر حديد
كال اوف اكلو بقرتي اليوم انتقم منهم .ثاني يوم افتر على القرية بيت بيت بس مو زنكة زنكة .كام يدك الباب عليهم تبيعون بقرتكم بسعر الي يعجبكم بس بشرط الحم الكم والجلد الية .تعجبو شنو شيسوي هذا بجلد اكيد الجلد غالي لان حديد باع الجلد وجاب حلال هواي .اجتمعو اهل القرية فذبحو بقراتهم وغبشو يبيعون الجلد .فترو بسوق افترو محدكاللهم بيش كال واحدمنهم ولكم حديد قشمرنة ضحك علينة اليوم نبصط حديد .اجو لحديد يردون يبصطو .جاوبهم حديد زين اني كلتلكم اذبحو حلالكم كالو لا زين اني مو كلتلكم بيعونياكلو اي .فكال مالكم حك علية انتم ماتعرفون تبيعون .حديد اي ماشفة غليلي منهم .صاح زوجتة وكال الهه.شوفي اني راح اجيب جيس وترسه دم وراح اعزم اهل القرية على العشا انتي اطبخي هواي لحم ومن اصيح جيبو العشا انتي جيبي خبز وبصل واني راح اصيحلج شنو هذا كولي مابية حيل اطبخ فاني راح اطلع الخنجر ونتي لفي الجيس جوة الفوطة فراح اذبح الجيس ويسيل الدم انتي ارفسي وسوي روحج ميتة واني راح اطلع الماصول وموصل بيه ونتي شويه وتحركي وكعدي وكولي اتوبة حديد اتوبة وجيبي الاكل الي طابختة زين كالت صارحديد.فاجو اهل القرية يتعشون صاح وين صار العشا جابت خبز وبصل كمز حديد هوا هذا العشا جاوبت يوه يوه مابيه حيل .جر احديد الخنجر وذبح جيس الدم كام يجري الدم هيه رفست وسوت روحة ميتة .وكفو اهل القريه ولك اسويت ذبحت المره عمي مانريدالعشا .جوبهم اسكتو اريد اادبهه .جاوبو شتادب منه ماتت المرا .كلهم اصبرو شوية ونتو راح تشوفون بعيونكم .صفنو هذا شيكول مخبل هذا .طلع حديد الماصول وكام يمو صل تحركت زوجتةيمنه ويسرة وفزت صاحت اتوبة حديد اتوبة .كال هسة اطبخين لحم .كالت صار بعيوني .وكفت اعقول اهل القرية سائلو حديد شلون عدلت هاي كاللهم هذالماصول ابو العجايب .واحدمن الكاعدين كال لحديد امروتك حديد مرتي مراويتني انجوم الضهر ماتنطيني هذا الماصول اريد اليوم العب فلك .جاوب حديد صدك جذب اني خادم .اخذ اخونة الماصول طب للبيت وكعد كام يدور دفاتر قديمة على زوجتة اتذكرين وتذكرين طكت روحهه المرا كالتلة شو اسكت صاح ها تكولين اسكت كمز جر الخنجر وذبح زوجتة كامو يبجون الجهال امي امي كاللهم اسكتو بوية هسه تكعد شويه اصبرو طلع الماصول كام يموصل ويموصل ويموصل حتى بلاعيمة طكن طلع الفجر وهيه ماكاعدة صاح الجهاله بوية اذا سائلوكم وين امكم كولو راحت لخوالي زين بوية .لف زوجته ومن غبشه راح دفنهورجع محد ميدري بية .سائلو اهل القرية ها شنو الاخبار كاللهم تمام صارت ابمثل الساعة كال في داخله بس اني مرتي تموت .وعيني مشه هذا الماصول على اهل القرية واحدواحد.واخير واحد اجه لحديديصيح حديد مرتي ماتت اليوم اذبحك .ففزعو اهل القرية على حديد وكام واحديكول لثاني اني هم مرتي ماتت.شيسون بحديد اليوم اويلي.جتفو حديد وربطو على جذع نخلة وصاحو اليوم نحرك حديد اخوتي روحو لمو حطب .تدري هذا الميته امه وهذا الي اخته وزوجته فهبو صار حطب تكول جبل .قررو الصبح يحركون حديد .راحو اهل القرية وحديد مجتف فبليل اجة فارس على حصانة وحلاله كدامه تمشي .فشافة حديد كام يصيح ماريدهه ماريدهه سمعة الفارس اجاه كاله شبيك شنو ماتريدهه جاوبا يردون ينطوني بت افلان واني ما اريدها.جاوبه عمت عينك هي بت افلان اكو وحده احلى منها .جاوبه انته تريدها كال اي اريدها .تعال فك اجتافي وراح اجتفك ابمكاني واغطي راسك اصبح راح يجون اهل القرية من تسمعهم صيح هاي الي رايدها اني ماشي .صعدحديد الفرس وخذ الحلال اوكف من بعيد يتباوع .اجو الربع لحديد يردون يحركو سمعهم هذا صاح هاي الي رايدها اني .صاحو بيك خير وتتدلل ذبو الحطب وشعلو النار صاح هذا يمعودين اني موحديد.من يسمعه النار وصلت لسمة .هفتت النار اجو لكوه صاير فحم كالو مو كافي حطو بلهاون ودكو وذبو بلشط .ورا ساعتين اجه حديد راكب الفرس والحلال كدامة يمشي شافو الجهال شردو صاحو طنطل طنطل .التمو شافو حديد اتعجبو شلون هذا طلع ونوب حلال جايب وياه .صاح حديد لحد يحاجيني اني زعلان عليكم انتم ذبيتوني بشط لو شويه شامريني بعيد جان وكعت على الحلال ابو الف راس غنم .هذا شيكول احنة مو حركناك وذبيناك بالشط كال اي من شمرتوني شمرتوني على هاي الغنم لوشامريني بعدابعد جان حصلت اكثر غنم .كالو شنو اكو غنم بشط كال اوه شكثر تردون اراويكم كالو اي حديد .نزل حديد من الفرس وكاللهم اخواني بسره كام يجتفة ويشمرة بشط ويكول روح على الغنم ام المية وشمرهم كلهم اجت عجوز كوه تمشي يمه حديد اني مااكدر اربي ميه اريد عشره كافي كاللهة صار جتفهاوشمرها روحي على الغنم ام العشرة .واخذ حديد اعياله وشرد ************ ولكم الشكر


****** اعذروني اخوتي واخواتي اذا اكو جمل بها اغلاط املائية لئن عيوني كامت اتسورب**** تحياتي

[علي الاسدي]

تحييييييييييييييييييييييي ييييييييياتي

[نور الهدى]

ههههههههه .. والله اني دخت من حديد هذا لكن والله انتقم شر انتقام بدهاء ... شكرا على القصة تعبت ياله خلصتها ... الله ايساعدك .. تقييمي

[علي الاسدي]

ههههههههه .. والله اني دخت من حديد هذا لكن والله انتقم شر انتقام بدهاء ... شكرا على القصة تعبت ياله خلصتها ... الله ايساعدك .. تقييمي

شكرا لكي اختي العزيزة

[حنان الامل]

قصه رائعه تدل على روعة من كتبها
عاشت الايادي

[علي الاسدي]

شكرا لكي اختي حنان الامل

[ابونرجس]

​جميله جدا والله يساعدك عاشت ايدك اخي

[حيدر الانصاري السماوي]

يروى والعهدة على من روى أنه في قديم الزمان وفي قرية نائية في العراق يعيش أهلها البسطاء على الفلاحة والصيد وكلهم أميين لايحسنوا القراءة والكتابة، ويعيش معهم رجل يدعى ملا حسن أخذ من الدين غطاءا لجهله وأميته، وصور نفسه للقرويين بأنه يقرأ ويكتب ويفهم في أصول الدين والفقه، وصدقوا القرويين بأدعائاته، وتكفلوا بمسكنه ومأكله ومشربه وبقية أحتياجاته..

وهكذا عاش ملا حسن سنوات سعيدة، يعني (نايم برأس الجماعة) وفجأة طرق سمع ملا حسن خبرا يفيد بأن الحكومة في بغداد عازمة على ايفاد معلم لغة عربية إلى تلك القرية لتعليم ألأطفال، وثارت ثائرة ملا حسن وجن جنونه وشعر بأن وصول المعلم الى القرية يعني نهاية لدجله وخداعه لأهل القرية وضربة قوية لمصالحه ولدخله من أهل القرية، وأخذ يضرب أخماس بأسداس ويفكر ويتربص ويحيك المؤامرات حتى وصل لفكرة وحيلة خبيثة يتخلص بها من المعلم القادم من المدينة، وهكذا أستعد لملاقاة المعلم وأنتظر على أحر من الجمر يوم وصوله الى القرية، ووصل المعلم وأستقبلته القرية وذهب مباشرة لمضيف شيخ القرية وفرح به كبار القوم وأستقبلوه أستقبالا لائقا، وكان من ضمن المستقبلين ملا حسن..!

كان مستاءا جدا ويبدو الحزن عليه وخائفا من فشل فكرته، وبعد أن سلّم المعلم على رجال القرية وتعرف على أسمائهم وأخذ يحدثهم أحاديث للمجاملة وعن التعليم والقراءة والكتابة، تشجع ملا حسن وأستجمع قواه وبادر المعلم بسؤال استفزازي لم يدر في خلد الأستاذ أن في يوم ما سيوجه له هكذا السؤال، فلنسمع سؤال ملا حسن للمعلم، ملا حسن: أستاذ لاأعتقد بل آنا على يقين بأنك لاتجيد القراءة والكتابة! وأتحداك أن تكتب كلمة واحدة؟ فأستغرب المعلم ودهش من هكذا تحدي وأجاب قائلا: ياملا حسن كيف تتحداني بهذا الشكل وآنا خريج معهد المعلمين في بغداد قسم اللغة العربية، لابد وأنك ياملا حسن فقدت قواك العقلية لتتحداني بهذا الشكل الأستفزازي؟ فأجاب ملا حسن: ياأستاذ أنك تريد أن تستغل أمية رجال القرية لتسيطر عليهم من خلال أدعاءك بإجادة القراءة والكتابة، وأتحداك أن تكتب كلمة واحدة؟ بل أطلب منك أن تكتب كلمة حية وآنا أكتب كلمة حية (افعى أو حنش كما يقول الأخوة المصريين والمغاربة) ونعرضها على القوم وهم سيقرروا من منا يجيد القراءة والكتابة؟

فذهل المعلم من طلب ملا حسن، بل أستهزأ من طريقة كتابة حية وأعتبر أن الأمر سينتهي لصالحه!! ووافق على طلب ملا حسن، وأحظروا لهم ورقتين وقلمين لكليهما، وبدء المعلم يكتب حية، وكذلك قام ملا حسن بكتابة حية!! وبعد الانتهاء من الكتابة قدم الأثنان ورقتيهما الى رجال القرية، وأخذ القوم يتدارسوا ويتباحثوا عن من كتب كلمة حية بشكل الصحيح، وبعد فترة قرر أهل القرية بأن حية ملا حسن كتبت بالشكل الصحيح،وأن حية المعلم لاتمت الى فصيلة الأفاعي بصلة...!!

فهجموا على المعلم وأشبعوه رفسا وركلا ( وبهذلوه) وطاردوه حافيا خارج القرية، وشكروا ملا حسن على انقاذهم من شر المعلم، وزادوا عطائه وأكرموه أكثر من قبل، فماذا فعل ملا حسن لكي تحضي حيته بأعجاب القرية وتفوز فوزا ماحقا على حية المعلم؟ هذا ماحصل: المعلم وبحسن نية كتب حية كتابة أما ملا حسن فرسم خط متمايل على شكل حية!! وبما أن أهل القرية كلهم أميون لم يفهموا كلمة حية المكتوبة بيد المعلم، بل حية ملا حسن كانت أقرب لعقليتهم بأعتبارها رسم يشبه الحية، وهكذا نجا ملا حسن وحافظ على موقعه في القرية واستمرّ في خداع السذّج..