درر العراق

صمت عاشق · 17/June/2014

بطلت ما أذل بعد روحي واجيك
مو على أحساسك هواي مغيريك
قبل لو طال الفراق
حظنك يخنقه أشتياق
أيجيبك لبابي قبل ما أعتنيك
مو على أحساسك هواي مغيريك
أمس ليك الفرحه جايبه واجيت
ومن وصلتك كومه شماته لكيت
وأسمعت كالو وراي
لاتظل كلساعه جاي
بلكي خنجر غيرنه يحب يشتريك
مو على أحساسك هواي مغيريك
أغسل عيونك دموعك مو حلال
بطيف بس بشرط ماننسه خيال
من الأول فاتنه
ننهي مابيناتنه
من لكيت أثار جف غيري بديك
مو على أحساسك هواي مغيريك
شكد متتصور طحت من عيني
موبديه البيه ميخليني
فكني فدوه لعينك
انا وين و وينك
قلبي ما عاتبته عود أعتب عليك
مو على أحساسك هواي مغيريك
‏.
‏.
‏.
لشاعر / مالك السلطاني