نادره إنتِ
وبين الناس
نادرات خِصالِك
الندرة فى طبعِك وحُسنِك
فريدة فى قربك وبعدِك
فريدة فى دلك وحِنِك
فى جورك وعدلك
مافى بين الناس مِثالِك
زى نسايم الليل وِصالِك
زاكى نديان ب حنانِك
تكتسى الازهار عبيرِك
فاح شذاها وطيبه زانِك
لما يعصف بيك غرورِك
وتسرى فيك نسمات دلالِك
علينا تبخلِ ب وِصالِك
وفينا تشرِعِ بارتحالِك
فيك إحتار الخَلِق والناس
رقة ووداعة وجمال إحساس
الرقة تحكى النسمة
وفيك تشفى العليل
إشراقة البسمة
جبارة فى زعلك
ثورتِك بركان
تَعصِفِ كالإعصار
فى كل الاركان
ترسِلِ حمم اللهيب والنار
عجيب امرك عجيب
يا أنبل ملاك
قُربِك للناس سعادة
وفى ُقربِك هلاك
لما تفرحِ
بيكِ الدنيا تفرح
تَنَسِى الناس مآسى
وتَطْيب فيهم جِرِح
الأطيار تغرد
تتفتح ورود
والكون ينشرح
لما يتعكر مزاجِك
ويله ويل الكان حداكِ
تبقى تحرِمى من وِدادِك
تَلبِسينا سواد حِدَادِك
قطيعة بس من غير سبب
عجيب أمرِك عجيب
فيكِ يحتار العجب
بقلمى / ود جبريل
رد مع اقتباس
المشاركة الأصلية كتبت بواسطة واثق الكرناوي
