هنا

[^ملاك الروح^]

هـجـم بيتــك يكــلبي جـم جـرح بيــك
دوم مـفتـحــه للحـــــــزن بيــبانـــــك
ابد ماشفت راحه هــواي صار سنيــن
فراشات الحـــزن تفتر على اغصانــك

كبل تشكي الغدر من هذا مره وذاك
من ربعك جنت من غدر صحبانــــك

مامرك فرح يوميـــــه جنت تكـــول
ارتاحيت هسه اقرب شخص خانك

رسمنه احلامنه وحبنه بجنح كل طير
وادليهى الافراح انطيـــــه عنوانـــك

عفتني شلون ابد مااقتنع مجبــور
دثبت موقفك لوفــقــط بلسانــــك

بفن الغزل اسطى استاذ بلتمثيل
احبك يامه كتلي وكالت الحانـــك

من نفس المكان انه الدغ مرتين
اذب روحي تريد بحضن نيرانك

العب غيرهه ودور بعد مااطيح
سد بابك ارجوك وعزله دكانك

انه مخبل بعد وارجعلك انته تريد
تذم الحبك انته وتحمد الهانك

انه معلم عليهن واستمع للجاي
كلبي الشال اسمك صار دفانـــك

[النقيب]

حلوووووووووووووووة
تسلم الايادي وردة