عشرة عمر
صارلي عشرة عمر ويه الجروح
وماعفتهن غزر بخدي الملح
الليل صاحبني ودفنت اسراره بير
ومابعتهن مره لعيون الصبح
تبيعني بوكت الغلى بسوك الرخيص
وجاي هسه ومادلي جفوف الصلح
شنو لازم حصلت فرصه بسماك ؟
وجاي رايدني اصيرن لك جنح
آني موذاك الجنت جتفينه كاع
ومايميز الخنجر وطعنة فلح
ابقه فاتح للكرم سبعين باب
وباب واحد للكره ماينفتح
اللا انته وياك افك ميتين باب
حتى اسممعك شي مثل طبعك وكح
روح كلهم ردت اذله وذلني حيل
وكلهم القمه شبعدها اعلى السفح
جاي عباللك بقالك شي مكان
بصدري حتى تفوت يلطولك رمح
كلهم بروحي وطن مابيه امان
بين لحظه وثانيه يطك الجرح
رد مع اقتباس
المشاركة الأصلية كتبت بواسطة الحالمة
