اينانا بحكم خبرتك بالمواقع اللي تتمتع بشعبية و اللي ممكن نساهم بصوتنا
فيها بالتعليق بالانكليزي ..ممكن تزودينا باسماء مواقع او بروابط ..و ان شالله ما نقصر .
اينانا بحكم خبرتك بالمواقع اللي تتمتع بشعبية و اللي ممكن نساهم بصوتنا
فيها بالتعليق بالانكليزي ..ممكن تزودينا باسماء مواقع او بروابط ..و ان شالله ما نقصر .
ما اريد ان يخرج الموضوع عن فكرته الاساس
لكن ما قلت ان المرجعية تتحمل شي
اللي ردت اكوله ان هناك موقف كان غير مدروس بشكل كامل اتخذته المرجعية
واما الضرورة اللي كانت تدفع باتجاه القبول بالدستور المعاق
فكان الممكن تجاوزها بجعله مؤقت ...
والا تعال الان غير بناء راسخ ...
ومادام الكمال لله ... خل نناقش نفسنا وسياسيينا ومرجعياتنا
شكو بيها؟؟؟
وعلى فكرة
اتحدى شخص يحدد موقف اتخذته المرجعية وماكان حكيم حسب رأييه وقناعته
لان بصراحة بصراحة ... الكمال لله ...نعم ... وللقادة ايضا سواء كانوا دينيين او سياسيين او حتى عشائريين
هاي احنا وهذا تفكيرنا ...
There is CNN, Huffington post, Sky news, The Guardian, Independent.co.uk, and BBC discussion boards.
بالعربي سي ان ان العربية و ال بي بي سي هذولة لازم نبعث رسائل احتجاج على تغطيتهم اللي تدعم داعش و من يدعمه
اني وياك نيو الدستور مليان مصايب و اذا تدور راح تلكا مصمم لارضاء طرف واحد و كان هذا الطرف مدعوم من تشيني و من لف لفه.. بعد اللي صار الدستور لازم يتغير... وزير الخارجية لازم ينشال فورا بدون انتظار الحكومة المقبلة.. قبل ساعة سمعت مقابلة اله على الحرة... زيباري خائن و ديأذي العراق كل دقيقة .. و الكلام اللي يكولة يضيع اي امل .. احنا هسة في سباق و دنلعب في الوقت قبل الضائع.. البلد اذا ما استعاد قوته و اثبت انه متماسك راح يتقسم بالقوة.. الجهة الوحيدة اللي ممكن تغير الامور هيه امريكا و حتى نحصل على دعم امريكا لازم نكون متماسكين و عدنا خطة.. و الا شنو معنى كل هالمعارك اللي استنزفت البلد جيش وميزانية.. يا اما تكون عدنا خطة يا اما نقسم البلد تلث دول و احنا بخيرنا بدل ميتقسم بعد مذابح.. لازم نكون واقعيين منكدر نرجع الساعة و لا نكدر نرجع العراق مثل ما كان ... اكيد اكو حل.. صدكوني اكو حل لان السنة مثل الشيعة راح يطلعون خسرانين اذا بقينا نتفرج
بس انتم لاتنسون الزمان اللي اقر به الدستور وبرغم اخطائه وان كان اعرج لكن اصلا ميطبقون ويكولون دستور فقط في مصلحتهم سياسينا الكرام لان اعتقد الدستور مو ضد الامن ولا ضد الخدمات ولا ضد التعطيل للقوانين لكن نرجع ونكول السياسيين
وعلى فكرة الاقليم هي مجرد تفرد وسرقة اكبر وخاصة لمن ينادي باقليم البصرة اكبر حرامي.
وباعو بالنسبة للاشخاص اللي يزعجهم قولي لاني قد امس مشاعر سياسي معين . اقول له كل من قبل الدخول بسياسة العراق وحكمه عليه ان يتحمل مايقال عنه سلبا وايجابا وانا لا احرص على مشاعره اكثر من مشاعر الام اللي فقدت ولدها الوحيد بتفجير هنا وهناك ولا هو افضل من المرأة التي تجمع غذاء اطفالها من القمامة . لعن الله كل من يرا ذلك ولا يبادر لحل ازمه .
والحل ؟؟؟
الحل عند الله سبحانه عز وجل
و نعم بالله.. بس احنا ما مخلوقين حتى نكعد و ننتظر.. احنا مخلوقين للسعي
هاي شنو صايره كوان
المهم غير المفروض نحن بلد ديمقوراطي وعدنا انتخابات تشترك بيها كل الاطراف
الحل هو اقرار الموازنة وتشكيل الحكومة واخراج ( النجيفي والمطلك وعلاوي وصحبانهم ) اتصور
ها لا انسى الاقاليم مشكلة مو حل .
التعديل الأخير تم بواسطة رحيـــل ; 18/June/2014 الساعة 11:03 pm السبب: مو المطلط صفصف *-*
رد مع اقتباس