هنا

[fairy touch]

زين هسة احنا ما مختلفين ...تكولين الأعلام ديشترى و يباع...
طيب وزارة خارجيتنا ممثلة بالسيد زيباري غافية من سنوات و احنا نعرف انه ماكو شي بيه خير رح تسويه بهالازمة ..و الاسباب معروفة ..ﻷن الاقليم جزء من الازمة ..
انت تكولين الامل بالناس ..الناس شتسوي ؟
تركوا بيوتهم بالالاف و شالوا سلاح بليلة ظلمة في وقفة رائعة ..حتى ما شفنالها ذكر باعلام الخارج اللي صار اتجاهه وية القاعدة و المسلحين ..و من يوصف حركة التطوع الوطنية يسميها تحشيد السيستاني الطائفي ...و يطلعون داعش سودة علية جايهم السيستاني حتى يبيدهم مع اهل السنة ..ببساطة تتخلى داعش بخانة وحدة مع مكون عراقي ..و هالمكون رغم هواية منهم مغرر بيه بالموصل لكن اغلبهم مجرد خايف و ساكت ..و يتمنى الفرج ...
ارجع و اسألج ..برأيج انت الناس شتسوي ﻻزم ؟

[سومر]

احمد ما اكدر الوم امريكا .. اوباما اول ما صارت الكارثة كان موقفه يختلف.. بس هو سياسي و الرأي العام يأثر على مواقفه... اكو لوبي كردي قوي في امريكا مدعوم سعوديا.. برزاني صرف مليار و ميتين دولار لرجل واحد فقط اللي هو السفير الامريكي السابق بلاكويل.. تخيل واحد بس انطاه اكثر من مليار دولار ... و الاعلام في امريكا كانما تم خطفه اصابني بصدمه.. ثم بعد ما عرف السبب بطل العجب.. المراسلين اللي يضخون الاشاعات كلهم مصادرهم اما اقليمنا السعيد او المخابرات السعودية.. و اعتقد داعش دتدير البي بي سي ... احنا هملنا اهم مصدرين للدعم وزارة الخارجية و الاعلام الخارجي بما فيه الاستشاريين الامريكان و شركاتهم اللي يساهمون بتشكيل الرأي العام

صدقت

وفضلا عن الإستخبارات العراقية التي لا نجد لها أي دور
أو بالأحرى أسم يشعرنا بوجدودها إن وجدت حقا


أشكرك كثيرا وأثني على أفقك الواسع وثقافتك الملمة ممنون لك

[Enana]

فيري بالعكس .. اللي صار غير هواية امور.. بصراحة لو ما دعوة السيستاني كان موضوع تقسيم العراق الى ثلاث دول في حكم المنتهي.. اللي سووه شبابنا بتطوعهم كبير ابد لتتتصدكين الدعايات السعودية اللي تحاول تعكس هذا الاثر.. شوفي ارهابي كبير مثل ظافر العاني بدل 180 درجة.. و القصة بالاعلام بدت تتغير من انه البعثيين و اهل الموصل قاموا بثورة الى انه داعش منفردة في الموصل... اللي سووه شبابنا غير اللعبة و صدكيني صار عدهم رعب .. كل عراقي مديون الهم بان العراق بعده واحد

[Enana]

اجي لفقرة الناس شتسوي... اولا اللي يعرف يكتب انكليزي لازم اما يبدون يكتبون مقالات باللغة الانكليزية او يبدون يعلقون على مواقع الجرايد العالمية البريطانية و الامريكية.. وجهة نظر الناس لازم توصل اذا ما اكو احد يوصل صوتنا لازم احنا نحجي... لازم العالم يعرف انه الدعم للارهاب و داعش جاي من تركيا و برزاني.. السعودية اعرف الها دور بس الها مصلحة ضد تركيا... شي ثاني لازم العالم يعرفه انه حجم المشاركة السنية بوزارات الدولة و مركز القرار موجودة و انه مشكلة السنة و الشيعة وحدة هي الارهاب الدولي و الفساد الداخلي اللي يدعم الارهاب و هذا جاي من الجهتين السنية و الشيعية.. صدكوني ياما مدونة وحدة غيرت رأي عام...الصحفيين برة يدورون اي مصدر اي قصة بيها مصداقية.. المشكلة محد يحجي او محد يعرف يحجي.. داخليا الناس لازم تفضح الفساد لازم نحارب الحرامية الشبكة الفاسدة كلها مربوطة في اطرافها بالبعثيين و تعرفون الفلوس وين تروح... اكو عقود فوك المليار دولار لقيادات سنية فاسدة بعثية ارهابية اللي يمرروها شيعة في منظمات شيعية متعصبة واحدهم هادي العامري مثلا.. لازم انصفي مصادر التمويل بايدنا.. نحجي بصراحة الجماعة اذا مستفادين من الفوضى شنو مصلحتهم تنتهي؟

[Enana]

طلاب كليات الاعلام و الاداب شديسوون؟ ليش ميسوون مجموعات صغار مثل مصر مركزين على قضايا معينة ؟ بس الخطاب لازم يكون علمي يعني مو شعارات ارقام دراسات قصص واقعية من حياة الناس... العالم يتفاعل ويا الشباب الغير مسيس .. المنظمات الشبابية الصغيرة اللي تشتغل بوطنية و بتركيز على نقاط محددة يعني مو كلهم يصيرون سبع صنايع.. مثل شبابنا الرائع اللي سووا انا عراقي انا اقرأ كل العالم حبهم و تفاعل وياهم

[qas!m]

اشوف البلد الان يمر بوضع متشنج جدا
وكلامك اينانا يستقيم حين يكون الوضع هاديء
ويبدي تحرك شعبي يشرح مساويء هذا الدستور اللي اغلب السياسين والعراقيين وافقوا عليه ويعترفون بقصوره بذات الوقت
ومثل ما كلتي تماما ... معالجة هذا الوضع الان هي راح ترسم الوضع القادم
وباستقراء بسيط لوضع سياسيينا الله يحفظهم ويرعاهم ... وللشعب ككل
ما راح نلكا اي بادرة امل لحل يوقف هاي الفوضى ...
راح نبقى نلف وندور بحلقة الحلول الانية ...
لان ماكو رؤية ولا صدق نية لا بحل ازمة ولا بحماية بلد ولا بالحفاظ عليه
للاسف ... الان الكل يسطر بطولاته على النت .. وعلى الارض محد يعرف شكو ...
...................
ومثل ماكال وفيق السامرائي احنا على ابواب حرب جديدة بعد كم سنة ...وبوادرها بدت تلوح من الان

[Enana]

بما انه السياسين مدياخذون موقف لازم يصير اكو موقف شعبي.. اول موقف لازم ينعلن هو رفض الناس مبدأ الاقاليم .. و الله لو ما وجود امل بالاقاليم عند اثيل النجيفي ما كان سوه اللي سواه.. رفض شعبي لمبدأ الاقاليم بشكله الحالي.. اللي يريد يصير اقليم يعتمد على موارده الخاصة... اقليم الانبار تتخيلون احد راح يطرحه؟ ماكو معنى لتحرير الموصل على هالحال.. منريد اولادنا يضحون بحياتهم يحررون لموصل و بعدين نرجعها لاثيل .. بس كركوك نفطها يسرق لتمويل الارهاب مثلا لازم تتحرر

[ميشال فوكو]

حرب صدام على ايران +حرب صدام على الكويت + انتفاضه الشعب العراقي + التجويع والحصار + سقوط صدام والحرب الامريكيه + المفخخات والارهاب الاعمى ......من ياتراه الطرف الاكثر خساره في هذه المتواليات لو جمعنا اعداد الخسائر البشريه عرفنا بدقه ماذا يراد منا نحن خراف وضحايا المذبح الغربي طيلة هذه السنين اما ان الاوان لكي نفهم ماذا نمثل نحن في خارطة الانسانيه نحن شعب نعطى اقل الحجج لكي نتقاتل او يقتلنا الاخرون او يقتلنا الحاكم بقوميه او شعوبيه او طائفيه كفانا تبريرا" لفعل الحاكم سنيا" كان ام شيعيا" لان العماله لاتعرف مذهب

[qas!m]

بما انه السياسين مدياخذون موقف لازم يصير اكو موقف شعبي.. اول موقف لازم ينعلن هو رفض الناس مبدأ الاقاليم .. و الله لو ما وجود امل بالاقاليم عند اثيل النجيفي ما كان سوه اللي سواه.. رفض شعبي لمبدأ الاقاليم بشكله الحالي.. اللي يريد يصير اقليم يعتمد على موارده الخاصة... اقليم الانبار تتخيلون احد راح يطرحه؟ ماكو معنى لتحرير الموصل على هالحال.. منريد اولادنا يضحون بحياتهم يحررون لموصل و بعدين نرجعها لاثيل .. بس كركوك نفطها يسرق لتمويل الارهاب مثلا لازم تتحرر

المشاكل المتعددة اللي ترتبت على تفشي الارهاب
أتت اوكلها
تدرين اينانا .. ان فكرة الاقاليم اخذت وخصوصا الان حيزا اكبر
في تفكير وميول شريحة مثقفة واسعة بالعراق ؟؟؟
والعذر موجود دائما ... هو الارهاب وحواضن الارهاب ....
والمشكلة الاكبر ان التقسيم نفسه والاقاليم هي ابضا حل اني فرضه واقع معين
.........
وعودا على دور المرجعية مع احترامي الكبير لكل رموزها بلا استثناء
لكن للتذكير فقط هو منو دعا الناس للقبول بالدستور والتصويت له ؟؟؟؟
مو نفسها المرجعية
.................
نعم ستبقى فكرة رفض الاقاليم حلما صادقا عند البعض
وورقة ضغط عند المتصيدين من السياسين والانتفاعيين
.............
واحتمال كبير بعد عشرة او عشرين سنة او حتى اكثر من التخبط وانهار الدم
يمكن يمكن يمكن .... الشعب يراجع نفسه ويكول ... اني شسويت ؟؟
هاي اذا تحرر العضو اللي شايلة على اجتافه

[fairy touch]

المرجعية موقفها مو سياسي ...المرجعية موقفها شرعي ...و حتى الدعوة للتطوع كانت من باب الالتزام الشرعي بين الناس و الدولة اللي قائم على انه الناس صوتت بنعم للدستور ..
اما انه المرجعية تتحمل ذنب الاخطاء اللي كشفها الزمن في دستورنا ..فهذا كلام مردود ..التصويت في وقتها كان ضروري لتثبيت احدى دعائم الدولة بعد الانهيار ..و كل الدول تكدر تعدل على دساتيرها بالاستفتاء ...قابل هو قرآن كريم ...لكن دولة بلا دستور = لا دولة ...
مواقف المرجعية اثبت الزمان حكمتها ...و ماكو شي بالغ الكمال ...الكمال لله وحده .