هنا

[سمير البابلي]

ان شاء الله

[Enana]

دافنشي ادري الامور اعقد بس هذي خطوط عريضة على اساسها هسه ديقررون مستقبلنا... رغم كل شي اني ايماني مو باصحاب الشهادات لان ذولة اللي دخلوا الطائفية و القومية و الكلام الكبير المخربط... اني جدا مؤمنة بالناس البسطاء هذولة التنين النائم... الصورة بالخارج لا تسر بصراحة.. اني انصدمت انه البي بي سي حالها حال الجزيرة... الصورة مو بصالح البلد ابدا... صورة المكون المظلوم المهمش و الاقليم المستقر المستهدف... لان بالغرب لازم القصة تكون سهلة و منطقية حتى الناس تفهمها.. لهذا اذا ما اتحركنا بحزم و قدمنا حل النتيجة حتكون مؤلمة ... الدولة ضعيفة و مفككة محد يساندها و للاسف ما يفهمون شي بالسياسة

[Enana]

فيري كلام مضبوط.. اذا ليش نبقي امل بالاقاليم؟ ليش ميتغير هذا الشي من الدستور؟ صدكيني النهاية قربت وراح نطلع من هذا الفلم لفلم ثاني و كله متوقف على اللي راح يصير هالكم يوم.. لازم نكون واقعيين و عمليين حتى نلكا حل... اكو امر واقع منكدر نبقى عايشين بالماضي.. الى متى يبقى الجيش بالمدن؟ يتهاجم من اهل المدينة و ينلام عالهجوم من اهل المدينة نفسها... الجيش مكانه عالحدود لازم اكو حل

[Enana]

بيان معظم الناس فاض بيها و اللي كلتيه يجوز يصير بالنهاية... و الظاهر كرار راح يقود ثورة الجماهير و هو اصلا بدا يكون خلايا نائمة و صار عنده اتباع

[ياسين الحسيني]

احنا ليش منكون صريحين وكافي نخدع نفسنا
يعني شلون امور البلد تنحل والاطراف الثلاث كلا يريد ما لا يطيقه الاخر
عندج الاقليم لو تنطوني كركوك لو تخلوني ابيع بالنفط بكيفي وما اتحاجا ومسوي الف استفسار لدخول العراقيين والاجاني والخليج فاتحتلهم الذرعان
وهي اصلا طبق الاصل من حكم صدام وي شعبها وفن واحد يفك حلكه على الرئيس .
المكون الثاني المظلوم عمت عيني عليه اللي يمتلك كذا وزراء وكذا محافظين ومسؤلين وميزانية وقفهم مال تلاث دول وتصرخ مهمشين وسوو اعتصامات شعارها احنا تنظيم اسمنا القاعدة ومن الامر كله ما ضارهم غير شلون رئيس الوزراء شيعي وبالاحرى عملية الانتخابات كلها ما داخله مزاجهم لان الحكم من المرحوم للمرحوم سني ولازم يبقى سني ببركة خائن الحرمين وابن موزه والطيب الحبوب فتى اسرائيل وشلون يخلون العلم والشعب يقتنع على انه الشيعه ميكدرون يقودون بلد من خلال تامر هنا وتفجير هناك وخيانة منا ... والشيعه مع كل الاسف مثل ريشه بالهوى ياخذها الروج.
كافي لخاطر الله .
.
تردون حل مو اني بنت بسيطة ولا اللي بالسياسة والحلول
لكن الاغلبية فعلا هي الحل لازم تكون بموقف واحد مع تربص الشعب بيهم خلال سنه لا اكثر مشو عدل مشو ما مشو مثل هبتهم هسه بالسلاح وماشا الله حتئ صواريخ طلعت عند الشعب اطگ المنطقة الخضراء والعن ابهاتهم .

شكرا اخت بيان كلامك جدا واقعي والحل يتمثل بتشكيل الاغلبيه لان هذا ما نص عليه الدستور وصوت عليه الشعب العراقي ...

[Enana]

الاغلبية تحتاج قوة و وحدة و قيادة تمتاز بالحسم و الحكمة و الدهاء السياسي.. و احنا ما عدنا قيادي حاسم .. كلهم ملتهين بالصفقات السياسية و التنازل ثم التنازل.. احنا ما عدنا سياسيين... كلهم مغامرين بالسياسة.. الاغلبية بدون صوت يمثلها تبقى مهمشة

[سومر]

لو تابعتم التحرك السلحفائي الأمريكي والتأني في كل ما يطرح ويقال من البيت الأبيض
نجد العجب في كل شيئ
والغريب وللاسف سيكونون طرفا في النهاية أي كانت النهاية ماداموا راضين في الغنيمة

نسأل من الله أن يكون الطرف الذي يملي الشروط طرفنا بعد النصر ودحر الكافرين بحق محمد وآل محمد

[بهلول الرشيد]

Enana بعد عمج خلي سالفة الموصل تخلص والباقي كله هينه

[Enana]

عمي بهلول الموصل يراد لها ان تكون حرب اسنزاف في الشمال مثل الفلوجة بالشرق... الموصل شلون تتحرر و المدد يوصل الارهابيين من ثلاث جهات... اني اشوف تطويق الموصل و تركها حاليا حتى نحصل على حل .. اقتحام الموصل الان خطأ .. و لن نحصل على حل اذا لم نؤمن خاصرة الجيش في كركوك

[Enana]

احمد ما اكدر الوم امريكا .. اوباما اول ما صارت الكارثة كان موقفه يختلف.. بس هو سياسي و الرأي العام يأثر على مواقفه... اكو لوبي كردي قوي في امريكا مدعوم سعوديا.. برزاني صرف مليار و ميتين دولار لرجل واحد فقط اللي هو السفير الامريكي السابق بلاكويل.. تخيل واحد بس انطاه اكثر من مليار دولار ... و الاعلام في امريكا كانما تم خطفه اصابني بصدمه.. ثم بعد ما عرف السبب بطل العجب.. المراسلين اللي يضخون الاشاعات كلهم مصادرهم اما اقليمنا السعيد او المخابرات السعودية.. و اعتقد داعش دتدير البي بي سي ... احنا هملنا اهم مصدرين للدعم وزارة الخارجية و الاعلام الخارجي بما فيه الاستشاريين الامريكان و شركاتهم اللي يساهمون بتشكيل الرأي العام