هنا

[Enana]

ماذا بعد تحرير الموصل؟ هل سنعود لنفس الدائرة المغلقة؟ ناس تبرر العنف و الاجرام باستحقاقات سياسية لا اصل لها.. و ناس تدعم العنف طمعا بان تحصل على اقليم فتكافأ على ذبح الابرياء بحصة خالصة من النفط بدون حساب و دون انتماء للبلد؟ و اخرون يعتبرون وزاراتهم ملكا لقومياتهم و احزابهم و طائفتهم استحقاقا دستوريا .. بدون رقيب و لا رقابة.. اما ان الاوان للحديث عن الحلول العملية بصراحة؟ اسأل لان هذا السؤال تطبخ اجابته الان في مطابخ دول اخرى.. و اسماع اصواتنا الان قادر على اختصار طريق العنف و الدمار... كلما كان هناك اتجاه شعبي مبكر واضح كلما قل سفك الدماء... و الا سيبقون يدفعوننا لما يريدون بالمؤامرات و الدم... الحل ؟ شنو الحل العملي؟ لحد يكول خل نحرر الموصل اول لان هذي مسألة وقت و بالعكس اذا دخلنا المعركة و احنا نعرف شنريد يجوز منحتاج نحارب.. لان جزء اساسي بالازمة هي المراهنات على ماذا بعد تجاوز الازمة... ماذا سيحدث اذا دفعت امريكا و السعودية و تركيا باتجاه اقليم سني مثل الاقليم الكردي الادارة بعثية و التمويل من البصرة؟ لان هذا الحل الاقرب للارادة التركية و السعودية.. و طالما هذا الخيار مفتوح دستوريا لن يتوقف سفك الدماء.. اما نعلن اقليم سني الان و نوقف شلال الدم او نعلن الغاء الاقاليم من الدستور.. شنو رأيكم؟

[شيفرة دافنشي]

إينانا .. والله الوضع أعقد من ما طرحته .. المشكلة عندنا في البشر .. في الناس .. بكل ألم الصراحة أقولها : غالبية الشعب لا تمتلك الوعي .. هي فقط متأنقة بشهاداتها الجامعية .. ومعجم قد يكون موفور الحظ ببعض الثقافة .. لكن الوعي ؟ أبداً .. أبداً .. بالنسبة لي وصلت إلى درجة القول باللا حل .. وافر التقدير

[كرار الغراوي]

اني اكول نحررالموصل ونطلع كَبل على اربيل ولا نخلي اقاليم ولا هم يحزنون ونفرض حكومة الاغلبية
هااا خالي ؟؟؟

[fairy touch]

ليش الاقليم السني حل ؟ ..مجرد خلق حاضنة رسمية للأرهاب و انطلاق المجاميع المسلحة نحو بقية المناطق ..و الامر انه رح يكون مول من ميزانية الدولة ..بوجود الاطماع الاقليمية و السياسيين الخونة اللي ما يفكرون بمصلحة بلدهم ما رح يكون مثل هالقرار استقرار للبلد ..والا كان انتهت المشاكل وية اقليم كردستان ..و الاكراد عود ما يصدرون ارهابيين ..و لو بعد احداث الموصل هالموضوع هم صار عليه علامة استفهام ...باختصار الوضع ما اعرف شنو حله ...لأن الاطماع غير منتهية و الجوار ملتهب و الخيانة موجودة ...فد شي بس الله يعرف تاليه ..اسفة اينانا ..ما اعرف اجاوب سؤالج .

[بيان]

احنا ليش منكون صريحين وكافي نخدع نفسنا
يعني شلون امور البلد تنحل والاطراف الثلاث كلا يريد ما لا يطيقه الاخر
عندج الاقليم لو تنطوني كركوك لو تخلوني ابيع بالنفط بكيفي وما اتحاجا ومسوي الف استفسار لدخول العراقيين والاجاني والخليج فاتحتلهم الذرعان
وهي اصلا طبق الاصل من حكم صدام وي شعبها وفن واحد يفك حلكه على الرئيس .
المكون الثاني المظلوم عمت عيني عليه اللي يمتلك كذا وزراء وكذا محافظين ومسؤلين وميزانية وقفهم مال تلاث دول وتصرخ مهمشين وسوو اعتصامات شعارها احنا تنظيم اسمنا القاعدة ومن الامر كله ما ضارهم غير شلون رئيس الوزراء شيعي وبالاحرى عملية الانتخابات كلها ما داخله مزاجهم لان الحكم من المرحوم للمرحوم سني ولازم يبقى سني ببركة خائن الحرمين وابن موزه والطيب الحبوب فتى اسرائيل وشلون يخلون العلم والشعب يقتنع على انه الشيعه ميكدرون يقودون بلد من خلال تامر هنا وتفجير هناك وخيانة منا ... والشيعه مع كل الاسف مثل ريشه بالهوى ياخذها الروج.
كافي لخاطر الله .
.
تردون حل مو اني بنت بسيطة ولا اللي بالسياسة والحلول
لكن الاغلبية فعلا هي الحل لازم تكون بموقف واحد مع تربص الشعب بيهم خلال سنه لا اكثر مشو عدل مشو ما مشو مثل هبتهم هسه بالسلاح وماشا الله حتئ صواريخ طلعت عند الشعب اطگ المنطقة الخضراء والعن ابهاتهم .

[شهد الورد]

اني اكول نحررالموصل ونطلع كَبل على اربيل ولا نخلي اقاليم ولا هم يحزنون ونفرض حكومة الاغلبية
هااا خالي ؟؟؟

[بيان]

نصف العراقيين يعبدون اشخاصا لذا اعتقد يا اختي لا حل لنا .

[(( MiSs tot19))]

اني اكول نحررالموصل ونطلع كَبل على اربيل ولا نخلي اقاليم ولا هم يحزنون ونفرض حكومة الاغلبية
هااا خالي ؟؟؟

اني وياك كرار

[هــاجــر]

رياليه كشخه كرير انى وياكم بعدخالتكمم

[كرار الغراوي]

حياكم الله
ان شاء الله سيتم تشكيل حكومة الاغلبية برئاستي
هسة اهم شيء الموصل الموصل وفوكَـ منهة واليمهة