انت شيعي واني سني
وانت سني واني شيعي
مبدأ الأسلام واحد
يعني خلينا طبيعي
ماخلف للربه عابد
ليش أجزم انت كافر
وانت تجزم اني كافر
والوطن ماظله ساتر
يعني حلوه نبقى لعبه ؟
بأيد كل ظالم وفــاجر
ليا وكت نبقى بعداء
وينكر اللحم الأضافر
ليش مختلفين كلي
ولياسبب نبقى ضراير
أحنا بألاسلام أخوه
ليش للأسلام ناكر
يعني بس حبي لعلي
صرت بالاسلام كافر
وانت من أتحب عُمر
صرت بالعشره الأواخر
هذا يادين النمثـــــــله
ناس معدومه الضماير
اني وانت صرنا قمه
بنهج ماكلته الحوافر
وماخسر بالغفله واحد
انت خاسر واني خاسر
ياضمير اصحى دخيلك
شاخت سطور الدفاتر
القلــم كلها تطيعـــــه
وهسه صار بلا أوامر
كافي حاذر
كافي حاذر
مابقت بالدنيا رحمه
ومحد يكلك تدلل
انت تأمر واني حاضر
لازم تحط ايدك بأديه
حتى نبنيه لوطنه
ومانهدمه ولانخاطر
والي شايل بيده جنطه
وناوي يرحل حتى ميروح ويسافر
لازم احنا الي نمنعه
من يشوف الوطن عامر
ومن يحس بينه المحنه
ومابقى اليكسر الخاطر
وانت شيعي واني سني
وانت سني واني شيعي
وكافي دم
وكافي قسوه
تعال نلتم بالمحبه
مثل منلم الضفاير
للشاعر
علي الجبوري
رد مع اقتباس
