هنا

[عادل الابراهيمي]

بسم الله الرحمن الرحيم

السلام على صاحب السكينة
السلام على المدفون بالمدينة
السلام على المنصور المؤيد
السلام على ابي القاسم محمد بن عبد الله
ورحمته وبركاته ومغفرته ورضوانه

السلام عليكم ورحمة الله وبركاته ..
ياسادة ياكرام صلّوا على خير الانام محمد وآله الكرام صلوات الله عليهم اجمعين ..
مثلنا اليوم يگول :

الله ْ يقْبل ْ دُعَا الاثْنينْ
يُضربُ للرجل اللئيم , يرتدي زي صديق ٍ كريم , وهُو َ عدو زَنيم .
وأصله ُ :
أن ثلاثة َ أصدقاء : مُسلم , ومسيحي , ويَهودي , كانوا جميعا ً على أتم ألفة , وأصدَق محَبتة . وذات َ يوم ٍ سأل المسلم ُ صديقَه المسيحي :
" أبوُ حَنا ... هاي ليش تدگون ناقوس بالكنيسه ْ مالتكُم ؟ ... مو والله دَوخْتُونا !! " . فقال المسيحي (( مداعبا ً )) :
" هاي احْنا نْدُگ الناقوس ْ ندْعي بيه عَلى المسلمين ... كُل دگهْ تموت ْ لها مسْلم ْ !! " ..
واستمر المسيحي في قوله (( مداعبا ً )) : " وانتُو لويْش ْ بانيلكُمْ مَنَايرْ ... تشرفون ْ منها على بيوت الناس ؟ ... " فقال المسلم (( مداعبا ً بالمثل)) :
" هاي المنابرْ نْبنيها حتى ندْعي بيها عَليكم ... ويوصل الدعا للسما بالعجَل ... لان المنابر عالية !! ..
" ثم التفت المسيحي الى اليهودي , وسأله ُ :
" أبو شُلومو ... اشو انت َ سَاكت ْ ؟ ... ما بينت ْ رأيك ... الحْگ ويامَن ْ ؟ .. ويايَهْ لو ويهْ أبو جاسم ؟ ... فقال اليهودي :
" والله ابُو حَنا ... تريد الصدگ ؟ ... اطُبگ وياك يزْعَل ابو جاسم ... اطبگ ويه أبو جاسم تزْعَلْ انْتَ ... لكن ْ احسن ْ شي اگول : [ الله يقبل ْ دُعَا الاثنَيْن ْ ] ... حتى لا واحد منكم يزْعل " ..
فَذَهب قوله مثلا ً


برعاية الله وحفظه..
لا تنسوني بالدعاء.

[مواطن عراقي]