حبي وياك مايعرف مسافات
مثل حب السمه بقلب الحمامه
ولو تدري اشكثر يالغايب اهواك
عندي بعزة علي عند اليتامه
حبي وياك مايعرف مسافات
مثل حب السمه بقلب الحمامه
ولو تدري اشكثر يالغايب اهواك
عندي بعزة علي عند اليتامه
تعال بكل وكت تلگاني موجود
بس كونك تجي مو ما تجيني
واذا ماجيتني هم تنحسب جاي
لأن موجود انته بوسط عيني
ناذر للوطن عمري وانه الممنون
وابيع الروح بارخص لو نزل سوگة
طابوگة اشتريت وماخذت دبدوب
خفت يوم الوطن يحتاج طابوگة
سكرت وگلت بلكي بسكري أنساكالمشاركة الأصلية كتبت بواسطة توحة الحمراوي
صبيتك هموم بكاسي وشربتك
شربت الكاس كله وللچعب دگيت
حسبالي نسيتك بالچعب شفتك
تريد الناس اسولف وآنه كلي هموم
خانگني الدمع ماأگدر احچي
إذا حته الدمع من شافني بهالحال
لبس أسود علية وگام يبچي
بعيونك سحر يسجدله كل سحار
واليخزرك هلاك والله يستر
إذا برمضان تطلع انته فد يوم
تشوفك عيد كل الناس تفطر
المثلك شي طبيعي ايصير محبوب
لان حتة اليكرهك تبتسملة
مر بية نهر عطشان الك موت
يمته جروفي يرون بيك يمته
ماطاب الجرح لتشوفه ملموم
من گد الألم عظ اعله شفته
گلناله حلو وبس الله يدري شلون
صرنه عيون كلنه ومنه مانشبع
گلناله الشمس بس تطلع انته تغيب
عله اعناد الشمس كل ساعة ظل يطلع
عله طاري محبتك عندي كومه عتاب
بس مجبور اغلس حته ماخسرك.....!