مزاجيه بشكل ماجنت اضنج هيج
غلطة من العمر وتعلمت منــهه
اختاريتج ولكن كلبي مــــو وياج
وكلت بلكي اصيله واكدر اعدلهه
اصابع الاتهام ماتطغي عالاجرام
اذا ماكــو جريمه بفعل فاعلهه!!!
تحملت الجريمة وتماهلت وياج
صعبه الفكرة بس شلون نعقلهه!!!
اذا نمدح هوه يزعل علينه الماي
يعني باي طريقة الفكرة أوصلهه!!!
النار الي تخلف بالخمد دخـــان
اهون مـــن النار الكبت بصدري!!!!
صرت عايش بعالم ماله اي اوصاف
وعلى نفس القوانه شما صفه فكري
راح الي جنت بالفـــركه اتعناه!!!!
وبقه الحاظني بيده ويطعن بضهري
وبعد صار الزمن يلعــب عليه ادوار
وطلعت انه الغشيم الودعت عمري
واجيتج حتى اكلج بعدج تفكرين!!!
لو انطيج فرصــه حتى اتفكرين??
على حجيج قــــرن يراد ويــاج
بس العمر واحد مايصير اثنين!!!
الجكارة التحترك بالنفس لاجلي
اهون من بشر يحركني عالجهتين!!!
جنت ماخذ عهد تسوين كل الكون
لكن للاسف ماتســوين فلسين!!
وهم يجي يوم واشوفن ضحكتج تزهي
وبايدج الخاتم وبكل ثقه تحجين!!!!
مخطوبه وحبيبج يمشي ويـــاج
وتعرفينــي عليه ودمعتج بالعين
لو يسال عليه تحجيله علي صار!!
تكليله احبه صار مـــــن سنين؟؟
تكليله حضنتج حظنــــه العشاك
تراويله الاثـــر مطبوع عالشفتين!!!
تحلفيله بصدق عايش وبكلبي مات!!
تثبتيله انحسب وياك عالميتين??
فرق مابين شاعــــر يكتب باقلام
وفرق مابين شاعر يكتب باحساس
صح اثنيهم يوصلون الصـــور كلمات
بس جيب اليوصل صورة من تنداس!!!
المشاعر بالكلب مو من شعَرهه
وجمال الفكـرة باين من شعِرهه
اذا حلـــوة البنـــيه من شعرهه??
اذن بينه الغلط مو بيهه هيه......
رد مع اقتباس