هنا

[محمد العلاق]

انه طبعي جبل ما دنك و احتاج.. يطك بالغيم راسي وما شلت خشمي

واذا ردت اتعرفني وتعرف اصلي منين..باوع بالسمه ليفوك تلكه اسمي

خمس حروف هيه وبيهه داخ الكون..(عراقي) انه وشريف ومخلص ونشمي

آنه البلحرب مــــــــعروف دوم الناس.. ارحب بالفشك بس ما نزف دمي

اكولن عيب خاف بغصــب عنه يثور..وافتح باب صدري وتعب من شمي

يكلي انته العراقي الباسل المغوار..راح احجي البكلبي ولا تسأ فهمي

كتله احجي التريده ولا تطول كون..لأن عايف كلب مفجوع كلـــــب امي

يتنطر رجوعي وكــــون مو تابوت.. كون ارجع عَريس ولابس الرســـمي

كال انته الوحيد الأهلك وهل جيت.. اي كتله اجيت ومعتني بجدمي

لأن شفت الضباع بسنهه دم اعراق.. ولأن شفت الذياب التنهش بلحمي

كال اني عراقي وهسه اصيرن كون.. وعله اهلي واخوتي انكلب سلمي

[النقيب]

تسلم ايدك ياورد